|
ONLINE ВЕРЗИЈА |
|
ПЕЧАТЕНА ВЕРЗИЈА |
|
Сметководство на непрофитните организации i
Платен промет на непрофитните организации
Дали мора непрофитната организација да работи по пат на жиро-сметка? Што се и кои се обрасците на платниот промет, што содржи налогот за уплата, а што налогот за исплата , се дел од прашањата на кои во овој број на Граѓански свет нудиме одговори во обид да се олесни процесот на сметководството на непрофитните организации. Одговорите ги подготвија Милка Божиновска-Миова и Емина Нурединоска, користејќи го материјалот „Moram, mogu i hocu (racunovodstvo malih udruga)“ ИЦНЛ, Ри-Центар.
1. Непрофитните организации во составот на безготовинскиот платен промет Дали непрофитната организација мора да работи по пат на жиро-сметка?
Да. Според Законот за платен промет сите правни лица се должни своето работење да го остваруват преку жиро-сметка. Сметките за остварување на платниот промет на правните лица ги отвораат и водат банките. Секој правен субјект бира во која банка ќе ја отвори својата жиро-сметка. Правниот субјект може во банка да отвори сметка за редовно работење, сметка за организациско дејствување и сметка за посебни намени. Правниот субјект може да има отворено сметки во повеќе банки, но во една банка може да отвори само една сметка за редовно работење и по една сметка за секој организациски дел.
Деловните субјекти можат да отворат и девизна сметка, и таа не мора да биде отворена во банката во која деловниот субјект има отворено денарска сметка за редовно работење.
1. Обрасци на платниот промет 1.1. Што се и кои се обрасците на платниот промет? Обрасци на платниот промет, односно налози за плаќање се налозите со кои подносителот налага извршување на плаќање од сметката во банка.
Налози за плаќање според обликот на плаќање се: 1. налогот за уплата – уплатница; 2. налогот за исплата на готовина; 3. налогот за безготовинско плаќање – налог за пренос на средства 4. налогот за јавни приходи
1.2. Што содржи налогот за уплата и како се пополнува? Налогот за уплата или образецот ПП 10 се пополнува во случај на уплата на готовина на сопствената сметка или на сметка на друг деловен субјект. Се пополнува на уплатница, а ги содржи следните елементи: назив (име) на уплатувачот – се впишува називот на организацијата; назив (име) на примателот – се упишува името, односно називот или скратениот назив на правното лице (примателот) на чија сметка се уплатува готовината; бројот на сметката на примателот – се впишува бројчана ознака на жиро-сметката на примателот; износ – се впишува износот кој се уплаќа и тоа пред бројот се става ѕвездичка или знак еднакво (=), износот се впишува во денари и дени, и тоа на начин денарите да се издвојат од дените со децимална запирка со две децимални места, а износот на илјадите се раздвојува со точка; цел на дознаката – кратко се опишува целта на плаќањето; шифра на описот на плаќањето – се внесува ознаката на описот на плаќањето кое ќе го одреди банката; повикување на број - одобрување; датум на уплата – се внесува датумот кога е платена готовината.
Налогот за уплата се поднесува во два примероци, од кои првиот останува во банката како налог врз основа на кој е извршена уплатата на сметката на примателот. Банката го потврдува примерокот на уплатата на друг примерок или на друг начин.
2.3. Што содржи налогот за исплата и како се пополнува? Налогот за исплата или образецот ПП 40 се пополнува во случај на подигнување готовина за сметка. Се пополнува на образец – налог за исплата, а ги содржи следните елементи: назив (име) на налогодавачот – се впишува називот на организацијата од чија сметка се исплаќа готовината; бројот на сметката на налогодавачот – се впишува бројот на жиро-сметката; назив (име) на примачот – се впишува името и презимето и ЕМБГ; износ – се впишува износот кој се исплаќа, и тоа пред бројот се става ѕвездичка или знак еднакво (=), износот се впишува во денари и дени, и тоа на начин денарите да се издвојат од дените со децимална запирка со две децимални места, а износот на илјадите се раздвојува со точка; цел на исплатата – кратко се опишува целта на исплатата; шифра на описот на исплатата – се внесува ознака на описот на плаќањето која ја одредува банката; повик на бројот на задолжувањето – се внесува договорената ознака за да може налогодавачот да има дополнителна информација за целта на плаќањето; датум на исплатата – се внесува датумот кога се исплаќа готовината; заверка на налогодавачот – се става потпис на овластеното лице; потпис на примателот – се потпишува лицето на кое му се исплаќа готовината – примателот мора да се идентификува со лична карта.
Налогот за исплата се поднесува во два примероци. Првиот примерок останува за банката како налог врз основа на кој е извршена исплатата од сметката на плаќачот. Банката ја потврдува исплатата на другиот примерок – налог за исплата или на друг начин.
(Продолжува во наредниот број)
|
|
|
|
Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
| |
Кампањата “Учиме за ЕУ” Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|