|
ONLINE ВЕРЗИЈА |
|
ПЕЧАТЕНА ВЕРЗИЈА |
|
погледи
Одржливоста на граѓанскиот сектор зависи од успешната мобилизација
Одржливоста, не е само еден од клучните зборови, во групата на волшебно недостижни состојби на 99% од здруженијата на граѓани во Република Македонија, туку и потреба за обезбедување долгорочен развој на целокупниот граѓански сектор во РМ. Поведен од тие причини, Центарот за институционален рзвој - ЦИРа ја организира конференцијата „Стратегии за одржливост на НВО секторот во Македонија” во рамките на НВО саемот од 2 до 5 декември 2004 година во Скопје.
Идејата на конференцијата, меѓу другото, беше да се претстават искуствата и практиките на претставниците од ЗГ од Централна и Источна Европа за обезбедувањето финансиска одржливост на граѓанскиот сектор. Поради тоа во конфернцијата имаше 15 воведничари, кои дојдоа од Словачка, Чешка, Унгарија, Бугарија, Србија и Црна Гора, Босна и Херцеговина, Косово и од САД.
Како резултат на конферернцијата, беа донесени заклучоци и препораки за можните стратегии за одржливост на граѓанските организации во Македонија. Заклучоците на конференцијата можат да се поделат во три групи.
Во групата која се однесува на создавање поддржувачко законско опкружување за развој на финансиската одржливост на граѓанскиот сектор, имаше неколку заклучоци. Со овозможување на економски активности на здруженијата на граѓани, како и со даночни олеснувања за индивидуи или претпријатија кои сакаат да донираат, би се постигнало Македонија да биде како и сите други држави во регионот и ЦИЕ. Потребно е да се регулира владината финансиска поддршка, преку воспоставување критериуми и соодветен процес на избор и финансирање, како и уредување на процесот на лиценцирање кога станува збор за социјални услуги.
Беше поздравена одлуката за отворањето одделение за соработка со ЗГ во владата на РМ, донесена во ноември 2004 година. Притоа беше заклучено дека е многу важно ЗГ да се вклучат во изготвувањето на планот и пограмата на одделението за соработка со ЗГ. Една од идеите е и создавањето резервни фондови за да се овозможи партиципација на ЗГ во тендерите на ЕУ.
Потребно е да се овозможат различни можности во законската регулатива, како на пример донесување процентна (%) легислатива. Беше поздравена идејата за промена на Законот за игри на среќа. Во овој дел на заклучоците спаѓа и воспоставување правна рамка за волонтерите.
Втората група заклучоци се однесуваат за зголемување на практиките за мобилизирање ресурси од страна на ЗГ. Притоа беше заклучено беше дека е потребно е да се оди кон поголемо инволвирање на индивидуите и групите кои се подготвени да го инвестираат своето време, експертиза и средства за да се подобри квалитетот на живот во локалните заедници, за да се подобри чувството на граѓаните за нивната грижа, одговорност, меѓузависност и вклученост. Клуч во развојот на финансиската одржливост на организациите е развојот на ДОВЕРБАТА кај граѓаните. Потребно е да се зголемува јавниот имиџ, транспарентноста и ефективноста на граѓанскиот сектор. Секоја организација треба да изгради сопствени стратегии за одржливост, која ќе вклучува потпирање врз повеќе различни извори за одржливост. Градењето финансиски резерви на организацијата, е предуслов за да се спроведе мисијата и да се остане независен.
Од моделите кои постојат во регионот на Централна и Источна Европа би ги издвоиле препораките за создавање фондации за развој на заедницата (цоммунтѕ фоундатионс), како и правењето анализа за можноста за развој на постојани фондови (ендоњмнетс фундс) во РМ. Многу корисна е и можноста за вклучување на дијаспората во прибирањето средства и решавањето прашања во заедницата. Беше заклучено дека би било од голема корист за нас да се користат искуствата од нашиот регион во мобилизирањето ресурси на локално ниво.
Последната група заклучоци е поврзана со развој на корпоративната филантропија. Овде беше заклучено дека бизнисот и граѓанскиоит сектор имаат заеднички интерес за соработка. Постои меѓузависност на одржливост на граѓанскиот сектор со развојот на капиталот и забрзаниот економски развој. Кај нас е потребна поголема поддршка од деловните субјекти за развојните програми и проекти на граѓанските организации. Исто така граѓанскиот сектор треба да изгради сопствена инфраструктура за поддршка и понуди за соработка со бизнис-секторот. Битно де а се развиваат вештините на општестевено одговорни претприемачи кај бизнис-секторот.
Доколку се залагаме за влијателен граѓански сектор, кој умее соодветно да одговори на процесите во опшеството во решавањето на важни проблеми и појави, тогаш ќе биде потребно тој да изгради не само способност за успешно мобилизирање на граѓаните и општеството, туку и способност за мобилизирање ресурси од домашни извори.
(авторот е претседател
на Центарот за институционален развој - ЦИРа)
Зоран Стојковски
|
|
|
|
Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
| |
Кампањата “Учиме за ЕУ” Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|