|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Пријавете се на работилницие за
ЗАЈАКНУВАЊЕ НА ПРИСТАПОТ НА НВО ДО СРЕДСТВАТА ОД ДРЖАВНИОТ БУЏЕТ
Одделението за соработка со невладините организации при Генералниот секретаријат на Владата на Републкика Македонија објавува јавен повик за пријавување на учество на работилници на тема: Зајакнување на пристапот на невладините организации до средствата од државниот буџет. Ќе бидат одржани седум работилници во шест градови во Македонија.
Република Македонија
ВЛАДА НА РЕПУБЛИКА МАКЕДОНИЈА
Генерален секретаријат
Објавува:
Јавен повик за пријавување на учество на работилници на тема:
Зајакнување на пристапот на невладините организации до средствата од државниот буџет
Работилниците се во организација на Одделението за соработка со невладини организации
Генерален секретаријат на Владата на Република Македонија со поддршка од Организацијата за безбедност и соработка во Европа (ОБСЕ) – Набљудувачка мисија во Скопје.
Работилниците се наменети за претставници на здруженија на граѓани и фондации со цел да бидат обучени и запознати со Кодексот на добри практики за финансиска поддршка на здруженија на граѓани и фондации ("Службен весник на РМ" бр. 130/07) и со начинот на пополнување на пријава со придружните обрасци за добивање на финансиска поддршка на проектни активности од Буџетот на Република Македонија.
Одделението за соработка со невладини организации при Секторот за анализа на политики и координација предвидуваа реализирање на 7 еднодневни работилници на регионално ниво и тоа на:
- 15 октомври 2008 - Гостивар,
- 29 октомври 2008 - Прилеп,
- 30 октомври 2008 - Охрид,
- 05 ноември 2008 - Штип,
- 06 ноември 2008 - Струмица,
- 25 ноември 2008 - Скопје и
- 27 ноември 2008 - Скопје.
Основен критериум кој треба да го исполнуваат здруженијата на граѓани и фондации кои ќе се пријават за учество на работилница е:
Да се регистрирани според Законот за здруженија на граѓани и фондации;
Здружението на граѓани или фондацијата може да поднесе апликација за учество за само една работилница од предвидените. Од секоја граѓанска организација ќе може да учествува само по еден претставник.
Предвидено е секоја од работилниците да има по 100 учесници. Селекција на учесниците ќе врши Одделението за соработка со невладини организации, при што приоритетот се обезбедува со датата на пристигнување на апликацијата.
Последен датум за поднесување на апликацијата за учество е 24 септември 2008 година.
Потребната АПЛИКАЦИЈА која здружението на граѓани / фондацијата треба да ја достави за учество на работилница може да се преземе од интернет страната на Одделението за соработка со невладини организации www.nvosorabotka.gov.mk како и да се подигне од архивата на Генералниот секретаријат на Владата на Република Македонија.
Потполнетата апликација за учество на работилница се поднесува до Одделението за соработка со невладини организации и тоа на електронската адреса nvosorabotka@gs.gov.mk , во архивата на Владата на Република Македонија до 19 септември 2008 година до 16 часот (со назнака - Одделението за соработка со невладини организации – Пријава за работилница) или по пошта на адреса:
Влада на Република Македонија
Генерален секретаријат
Одделение за соработка со невладини организации
Бул. Илинденска бб
1000 Скопје
Република Македонија
На здруженијата на граѓани или фондации ќе им биде испратена официјална покана за работилница со програма за одржување по писмен пат во рок oд 10 дена од денот на извршената селекција.
Трошоците за одржување на работилниците се на товар на организаторот. Не се покриваат трошоците за превоз.
Прашања за појаснување може да се поставуваат писмено или по телефон до Одделението за соработка со невладини организации
Тел: (02) 3 118 022, лок. 202, 214, 215, 344
Е-маил адреса: nvosorabotka@gs.gov.mk
Напомена: Пријавите кои не се во форма на бараната Апликација или по истекот на предвидениот рок нема да се разгледуваат! |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
