|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Напредна обука за недискриминација
Македонскиот центар за меѓународна соработка (МЦМС), со поддршка на Мисијата на ОБСЕ во Скопје, ќе организира напредна обука за недискриминација. Обуката ќе се одржи во Скопје од 14 до 16 октомври 2008 година.
Во текот на обуката учесниците ќе се стекнат со знаења и практични вештини од областа на човекови права, еднаквите можности и недискриминацијата. Обуката е продолжение на основната обука за недискриминација која се одржа во јуни 2008 година. Истата ќе има теоретски и практичен дел за законската покриеност од оваа област во рамките на ЕУ, потоа институции и механизми за заштита во државите на ЕУ, проблемите со кои се соочиле европските земји во однос на механизмите на заштита, предизвици на достап до правилата и сл. Исто така, во рамките на обуката ќе бидат разгледани постоечките законски решенија во Република Македонија, потребата од посебен закон за заштита од дискриминација, решенијата од Предлогот за донесување на Закон за заштита од дискриминација со предлог закон, разгледување на основите на дискриминација, процедури на известување до меѓународните организации и сл.
Обуката ќе ја спроведат: проф. д-р. Мирјана Најчевска, ИСППИ и мр. Катрин Владак, Болдсман Институт од Виена. На обуката ќе има обезбеден консекутивен превод од англиски на македонски јазик.
Право на учество имаат активистите за човекови права кои се членови на граѓански организации од Македонија, посветени на идејата за еднакви можности и борба против дискриминацијата. Предност ќе имаат учесниците кои ја посетиле основната обука за недискриминација и кои активно го владеат англискиот јазик.
Сите заинтересирани кандидати треба да ја пополнат пријавата. Пријавите ќе бидат објективно оценети и селектирани од Комитет составен од претставници од МЦМС, ОБСЕ и обучувачите.
Рок за пријавување е 29 септември 2008 година, до 16 часот.
Пријава за напредна обука за недискриминација.
Пријавите испратете ги по факс на 02 3065 298 или по пошта на адреса: Македонски центар за меѓународна соработка, ул. Никола Парапунов, бб, П.Фах. 55, 1060 Скопје.
Пријавите се достапни на рецепцијата на МЦМС или на www.mcms.org.mk , www.graganskisvet.org.mk и www.equal.org.mk .
Организаторот ги покрива сите трошоци за обуката, освен патните кои ги покриваат учесниците.
За сите дополнителни информации контактирајте го Кренар Кука, на е-маил: kkk@mcms.org.mk |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
