Помош на старите лица Кампања “Сите сме нивни деца” Под наслов “Сите сме нивни деца”  во текот на мај, беше ор­ганизирана впечатлива кам­пања за помош на старите ли­ца во Македонија. Дони­ра­ни­те средства беа наменети за подобрување на условите во домовите за стари лица во земјава “Мајка Тереза” во Злокуќани во Скопје, Сју Рај­дер - стар објект во Би­тола, “Киро Крстевски - Плат­ник” во Прилеп и “Зафир Сајто” во Куманово. Кампањата започна на 5 мај, а на жиро- сметката која остана отворена до 15 јуни,  само за еден месец  беа собрани око­лу еден милион денари.  Во неа се вклучија и дел од македонските музички ѕвезди, кои одржаа и хуманита­рен концерт на 29 мај во Скопје, а организаторите Цр­ве­ниот крст на град Скопје, Кос­мофон и агенцијата Њу момент  добија поддршка и од дел од медиумите, инсти­титуциите, од продукциите и од поединци. Медиумите ја потенцираа до­нацијата на претседателот на државата Бранко Црвен­ков­ски во висина од 60.000 дена­ри, како и на градо­началникот на град Скопје, Трифун Кос­товски, 100.000 денари.  К.Б.