РЕЦ

Декада на РЕЦ во Македонија

Регионалниот центар за заштита на животнтата средина за Централна и Источна Европа (РЕЦ) - Канцеларија во Македонија, го одбележува своето 10-годишно постоење и успешната работа на полето на заштита и унапредување  на животната средина. По тој повод, на Денот на планетата Земја, 22 април, РЕЦ организира прослава на која учествуваа соработници, донатори, медиуми и други субјекти каде што беше промовирано ЦД-то со филмот за РЕЦ.

Регионалниот центар за заштита на животната средина за Централна и Источна Европа, односно Канцеларијата во Скопје, е присутен во Репуб­лика Македонија со свој координатор од јули 1993 година, а Канцеларијата во Македонија официјално ја започна својата работа во јануари 1995 година.

РЕЦ беше основан во 1990 година од страна на Унгарија, Соединетите Американски Држави и Европската комисија. Денес, РЕЦ правно е заснован на Статутот потпишан од владите на 28 земји и Европската комисија, и на меѓународен договор со владата на Унгарија. Седиштето на РЕЦ се наоѓа во Сентендре, Унгарија, а има канцеларии во секоја од 16 земји кориснички: Албанија, Босна и Херцеговина, Бугарија, Естонија, Летонија, Литванија, Македонија, Полска, Романија, Словачка, Словенија, Србија и Црна Гора, Унгарија, Хрватска, Чешка и Турција.

Во Македонија Развојните програми на РЕЦ имаат методолошки пристап којшто поттикнува локал­но решавање на локалните еколошки проблеми и интегрирано решавање на регионалните еколошки проблеми.

Програмите на РЕЦ ги потпомагаат и ги зајак­нуваат знаењата и капацитетите на поединци и организации кои придонесуваат или спро­ведуваат решавање на еколошките проблеми во регионот.

Дел од работата на РЕЦ во Македонија се раководење со грантови, јакнење на капа­цитетите на невладините организации, дистри­буирање информации, учество на јавноста, студии за влијанито врз животната средина (ЕИА-СЕА), изработка и спроведување на ЛЕАП, образование од областа на животната средина и придонес за почисто производство и енер­гетска ефикасност.

Донатори на РЕЦ се повеќе европски државни влади, како и САД, Канада и други интервладини и приватни институции.

Регионалниот центар за заштита на животната средина за Централна и Источна Европа, Канцеларија во Македонија, се наоѓа на ул. “Митрополит Теодосиј  Гологанов”, бр. 39/2/2, во Скопје. Со нив можете да контактирате на тел. 02/3131-904, на факсот 02/3128-116, на елек­тронската пошта rec@rec.org.mk , а нивниот веб-сајт е http://www.rec.org.mk.

Д.М.