Кампања на ОХО

Внимавај што купуваш - бирај оригинали

Граѓанската организација ОХО на 26 април започна со спроведување на јавната инфор­мативно-едукативна кампања “Вни­ма­вај што купуваш - бирај оригинали”. Кам­па­ња­та има за цел да ја информира јавноста за придобивките од користењето оригинални производи и штетите што ги носат фалсификуваните производи. Во рамките на кампањата во дневните весници ќе се објавуваат серија текстови од еминенти експерти кои се однесуваат на различни аспекти на ин­телектуалната сопственост и нејзината важност, а таа е пропратена и со огласи во дневните весници, со радиоспотови, флаери, како и ТВ емисии и јавни дебати.

ОХО започнува и со креирање асоцијација Македонска асоцијација за заштита и промоција на интелектуалната сопственост-МАРКА. Целите на оваа  асоцијација се: промоција и заштита на интелектуалната соп­ственост, обука и консалтинг за градење и заштита на брендови, а истовремено асоцијацијата треба да претставува и ре­сур­сен центар за експертиза во ова подрачје.               К.Б.