Четврти Светски социјален форум

Дијалог за формулација на поинаков свет

Светскиот социјален форум 2004 година во Мумбаи (Бомбај) Индија по четврти пат собра голем број организации и движења на граѓанското општество, по претходните три одржани во Порто Алегре, Бразил. Форумот оваа година се одржа од 16 до 21 јануари 2004 година.

Светскиот социјален форум е дијалог за формулација на поинаков свет - плурален, праведен, одговорен и споделен свет со еднакво достоинство и права за сите луѓе. Како таков, тој е во опозиција на нео-либералните економски политики. Свет­скиот социјален форум ја декларира убе­деноста дека „поинаков свет е воз­можен“. Неговиот главен фокус е негативното влијание на неолибералната глобализација која создава мала глобална владејачка класа и голема класа на ранливи и сиро­машни во секоја земја. За време на неговото одржу­вање дел од мегатемите беа „Гло­бали­зација, глобално владеење и нацио­наланите држави“, „Медиумите, културата и зна­ењата“, „Политичките партии и социјал­ните движења“ и други. Секојдневно се одржу­ваа неколку активности, еден голем јавен настан, 12 конференции и панели и 300 работилници. Во нив учествуваа десетици илјади учесници и делегати, а проценките се дека бројот на учесниците беше  над 75. 000.

Македонија на Светскиот социјален форум ја претставуваа четири учесници: Јасмина Фриншиќ од ЕСЕ, Скопје; Алберт Муслиу од АДИ, Гостивар и Сашо Клековски и Алек­сандар Стамболиев од МЦМС од  Скопје.
 

Сашо Клековски