ПРОГРАМА “ЖИВО НАСЛЕДСТВО” Мокрински Извори Преку програмата „Живо наследство” во текот на мај ќе биде промовирана уште една природна реткост на Македонија - чудесните Мокрински Извори. Се наоѓаат во близина на се­лото Мокрино, Струмичко, а со сво­ја­та убавина го воодушевуваат секој што ги видел: извираат од корењата на неколку столетни чинари, кои се испреплетени на површината. Месната заедница и жителите на селото Мокрино, во соработка со здру­жението на граѓани “Извор” и општината Ново Село спроведуваат проект со кој се уредува просторот во близина на изворите – направена е камена патека, клупи, надстреш­ница и друга инфраструктура, а се из­готвува и пропаганден материал. Програмата “Живо наследство” ја спро­ведуваат Фондацијата Институт отворено општество – Македонија и Фондацијата Крал Бодуен од Белгија, а нејзина цел е промоција на локалниот развој преку културното нас­лед­ство.           М.И.