Нов сооднос помеЃу меЃународните невладини организации и Советот на Европа

Премин од консултативен во партиципативен статус
 

Проф. д-р Мирко Спироски - прет­се­давач на Македонскиот центар за меѓу­народна соработка

Минатата година, поточно на својата 861 седница одржана на 19 ноемви 2003 година, де­легатите заменици-ми­нис­три од Советот на Европа усвоија измени на резо­луцијата „Партци­па­тивен статус на меѓународните невладини организации во Советот на Европа“ (Рес(2003) 8). Комитетот на министри од Европската Унија ги прилагоди новите измени и ја објави пре­чистената верзија на оваа резолуција чиешто основ­но значење е менувањето на консултативниот статус на меѓународните невла­дини организации (МНВО) во Советот на Европа во пар­тиципативен статус.

Резолуцијата е донесена  врз основа на повеќе елементи од кои најбитни се:

- Мисијата на Советот на Европа (Поголема Европа без граници) не може да се постигне без постојана чувствителност на јавното мислење и водечките сили на европското општество, кои константно се создаваат;

- Постоењето активно граѓанско оп­штество и неговите невладини орга­низации, кои се витални делови од европ­ското општество, се значаен и неза­обиколлив елемент од демократијата;     

- Иницијативите, идеите  и сугестиите кои произлегуваат од граѓанското општество можат да се сметаат како вистинско мислење на европските граѓани;
 
- Системот на соработка воведен со консултативниот статус (на меѓу­народ­ните невладини организации, воведен во 1952 година) во голема мера овозможи развој и јакнење на соработката помеѓу Советот  на Европа и доброволниот сектор, давајќи позитивни и охрабрувачки резул­тати за двете страни; 

- Непобитно е дека соодносите  помеѓу Советот на Европа  и невладините орга­низации се развија од учество на меѓу­народните невладини организации во организациската политика и работните програми, до поттикнување на пар­ти­ципацијата на МНВО, достапност до сове­тодавните комитети и комитети на вла­дини експерти, како и  до пристап на советодавните тела на Комитетот на министрите. Оваа партиципација ќе им овозможи на МНВО да му обрнуваат внимание на Советот на Европа за ефек­тите од промените во европското оп­штество и проблемите со кои тоа се судира;

-Развојот и засилувањето на соработката помеѓу МНВО и Комитетот на министри (и неговите тела), како и Парламентарното  собрание и Конгресот на локалните и регионалните авторитети од Европа, доведоа до создавање „Квадрилог“ кој во Советот на Европа е израз на демо­кратскиот плурализам  и основен елемент за натамошен развој на граѓанска Европа.

- Потребата од правила за активна и конструктивна улога на НВО, раз­јасну­вање, поттикнување и инте­нзивирање на соработката помеѓу Советот на Европа и МНВО, особено  подвлекувајќи  го нивниот партиципативен карактер; 

- Значајната улога на Прет­став­ничкиот Комитет како демо­кратски  из­брано репре­зен­та­тивно тело на сите МНВО кои имаат  пар­тици­пативен статус во Советот на Европа, со тематските групирања во МНВО како нивен колективен глас, а оттука и на милиони европски граѓани, работејќи во секое од овие полиња и прет­ставувајќи ги нив;

- Значењето на соработката по­меѓу Советот на Европа  и нацио­налните НВО, регулирано со Резолуцијата (Рес(2003)9) за ста­тусот на партнерството по­меѓу Советот на Европа и нацио­нал­ните НВО.               

Во Резолуцијата се дефинирани: условите кои треба да ги испол­нат  меѓу­народните невла­дини организации, мода­литетите на  соработка со Европскиот совет, процедурите за доделување пар­тиципативен статус, на­пуштањето на партиципативниот статус и преодни одредби.
 
Поради значењето на Резолуцијата, неоп­ходно е со неа да се запознаат сите учесници на квадрилогот.

 
Забелешка на редакцијата: Граѓански свет, во идното свое издание, ќе го објави преводот на посочената резолуција