Издание на МОСТ

Адресар на НВО за соработка со Собранието на РМ

Граѓанската асоцијација МОСТ, во рамките на програмата Отворени институции, го издаде Адресарот на НВО за сора­ботка со Собранието на РМ.

Изданието нуди информации за граѓанските здруженија што работат или се заинтересирани за соработка со комисиите на собранието на РМ.

Издавањето на Адресарот финансиски е помогнато од Амбасадата на САД во Македонија и од Фридом хаус - регионална канцеларија во Будим­пешта. Печатен на три јазици - македонски, албански и англиски, а има и елек­тронска вер­зија, исто така на три­те јазици.                                                

 

Балкански граѓански практики

Оваа публикација го претставува првиот број од Балкански граѓански практики и се издава под насловот “Улогата на граѓанското општество во процесот на демократизација и интеграција во ЕУ на Балканот”. Под истиот наслов, за ова прашање се дискутираше во рамките на регионалната работилница организирана од страна на Асоцијацијата на протестантските развојни организации (АПРОДЕВ) од Брисел, Белгија и МЦМС на 22 и 23 јули годинава во Скопје. 

Публикацијата има за цел да обезбеди пристап до презентациите и прашањата дискутирани на работилницата, како и до препораките од неа до другите граѓански организации и пошироката јавност во регионот. 


 
Монографија

Педесет години растеж (1954-2004)

Монографијата “Педесет години растеж” (1954-2004) излезе по повод педесет­годишниот јубилеј на Специјалното учи­лиште за деца со оштетен вид “Дими­тар Влахов” во Скопје. Во неа е даден историјатот на училиш­те­то, презентирани се  успесите на уче­ни­ците и професорите, но и преч­ките со кои се со­очу­вале оние кои биле пионери на рабо­та со деца со ош­тетен вид во Маке­донија.