Тригодишен проект на Контрапункт Слевање на маргините Во Културниот центар Точка и во Младинскиот културен центар во Скопје на крајот на февруари е отворена само­стој­ната изложба на уметникот Ѓорѓе Јовановиќ “Про­шет­ка­та на господинот Ченк”, како дел од проектот “Слевање на мар­гините”, кој е започнат во 2003 година со финансиска поддршка од Швајцарската програма за култура и ФИООМ, а се ре­ализира во различни градови низ земјава. Во рамките на проектот, во февруари, во Струмица беше отворена изложбата на цртеж “Цртеж-рт-еж(Ск_Мк....нови тенденции) на која се претставија 19 автори од помладата генерација, а неа досега ја видоа и граѓаните на Гевгелија, Неготино и Кавадарци. Во фев­ру­а­ри и во Уметничката галерија во хотелот Југо во Гевгелија, беше отворена изложба на неколку крактеристични уметници на новата концептуална уметност од Бугарија.  Досега во рамките на проектот “Слевање на маргините” се реализирале изложби и во Велес, Битола, Кавадарци, Неготино, Тетово, Штип, Прилеп и во Скопје, промовирана е и сликовница “Нешто друго”, а тој содржи и разговори, дебати, работилници, перформанси и др. Во негови рамки се реализира и проектот “Градовите во Маке­до­нија”, кој на јавноста & се презентира  низ отпечатените публи­ка­ции (пет од  планираните 12) посветени на градовите во земјава, со цел подобро меѓусебно запознавање на чудно одда­ле­чените (па и во информациска смисла) градови. Проектот “Слевање на маргините” овозможува поттикнување на кул­турната про­ду­к­ци­ја на локално ни­во, размена ме­ѓу градовите во Маке­донија и кул­тур­на со­работка ме­ѓу  раз­лични ин­сти­туции, вла­дини и граѓански орга­­ни­зации, меѓу кре­а­тив­ни и умет­ни­ч­ки групи и по­един­ци, а особено е на­со­чен кон младите , запос­тавените, кре­­ативните умет­ни­ци од различно  етничко, културно и социјално потекло. Негова долгорочна цел е промоција на културата на интеграција и различности, а граѓаните можат да дознаат повеќе на веб-страницата на њњњ.контрапункт-мк.орг, но и преку отпечатените впечатливи картички, постери и флаери. К.Б.