|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
КОНТРАПУНКТ
Маргините се шират веќе 10 години
Здружението Контрапункт, на мошне оригинален начин во Скопје го одбележува периодот од 10 години излегување на списанието “Маргина”. Во просториите на Културниот центар Точка (на улицата Илинденска во Скопје), е поставена изложба на сите досегашни насловни страници на “Маргина”. На 30 март, во истиот простор, беше одржан вистински мал поетски спектакл – првпат во Македонија е одржан натпревар на читање слем-поезија, придружуван со оригинални и мошне креативни поетски перформанси. Истовремено, беа промовирани три збирки на поезија на млади автори од Македонија.
Наредната вечер, се одржа трибина на тема “Како да се застапува важноста на културните списанија во општеството”, а одбележувањето заврши со низа промоции на каталог, на ЦД и книжевни изданија, на веб-страницата на Контрапункт (www.kontrapunkt-mk.org) и проектот “Слевање на маргините”, посебни изданија на Маргина, и видео-запис од настапот на групата Шкарт од Белград во неколку градови на Македонија.
Списанието Маргина се појави првпат во март 1994 година, и беше прво списание во Македонија кое се занимаваше со современата култура и уметност, на неконвенционален начин ги третираше културните трендови и новите медиуми, објавуваше современи културни теории и преводи на современа литература. Во Маргина простор наоѓаат млади автори, а, како што се вели во најновотото нејзино издание, “особено оние кои негуваат понеконвенционален (и субверзивен кон анахроните културни стереотипи) израз”. Досега, 50-те броја на Маргина се објавени во 35 книги. За Маргина повеќе прочитајте на веб-страницата www.templum.com.mk.
М.И.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
