|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Истражување
Младите во Македонија очекуваат подобра иднина
Младите во Македонија ја поддржуваат либералната економија, пазарната моќ и интернационализмот, а тоа го покажува и фактот што најголема доверба им укажуваат на банките и на меѓународните организации, додека најмалку им веруваат на политичките партии, на Владата, на претседателот и на парламентот. Најголем дел од македонската младина смета дека има просечни услови за живот, со очекување дека во иднина условите во Македонија ќе се подобрат. Но, иако очекуваат подобра иднина во својата земја, дури 35 отсто од испитаните млади на возраст од 18 до 30 години одговараат потврдно на прашањето „дали сте размислувале да се иселите од Македонија”, а на истото прашање одговорот „можеби” го дадоа 39,6 отсто од испитаниците. Како главна причина за емиграција од Македонија младите ја наведуваат економската ситуација за која повеќе од половина од испитаниците се изјасниле дека е лоша, без услови за вработување.
Ова се дел од резултатите на истражувањето за очекувањата на младите во Македонија што го спроведе германската фондација „Фридрих Еберт” и Институтот за демократија „Социетас цивилис” (Социетас Цивилис). Во истражувањето, кое е направено во мај минатата година, учествуваа 1.197 испитаници на возраст од 18 до 30 години.
Само мал дел од младата популација (15 отсто ) смета дека Македонија се движи во вистинска насока, додека 35,7 отсто се изјасниле дека земјата се движи во погрешен правец. Загрижувачко е и незадоволството на младите од постојниот систем на образование. Дури 87,9 проценти од анкетираните сметаат дека на нашето образование му е потребна темелна реформа, а само 17,4 проценти своето школување целосно би го довериле на домашните високообразовни институции. Останатите би сакале, доколку имаат можност, високото образование или дел од високообразовниот процес да го завршат во странство, при што најпопуларни дестинации се универзитетите во земјите на ЕУ и универзитетите во САД.
По повод објавеното истражување за очекувањата на младите беше организирана и трибина на која учествуваа и пратеничките Радмила Шеќеринска и Теута Арифи. На трибината еден од главните заклучоци беше дека најитни се реформите во образованието бидејќи младите се видно незадоволни од постојниот образовен систем.
М.К.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
