|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Работилница на “Меѓаши” на тема “Интервјуирање деца сведоци”
Децата сведоци на суд треба максимално да се заштитат
Првата детска амбасада во светот “Меѓаши”, како дел од Регионалната програма “Детство без насилство - кон подобар систем за детска заштита во Источна Европа”, организира работилница на темата “Интервјуирање деца сведоци”. Целта на работилницата беше да се разменат искуства и да се добијат нови знаења и пристапи во интервјуирањето деца сведоци. Учесници на оваа работилница беа истражни судии кои интервјуираат деца сведоци, полициски инспектори кои се занимаваат со истата проблематика, како и Марија Келер Хамела, детски психилог, меѓународен експерт за интервјуирање деца сведоци.
“Со децата мора да се постапува многу професионално, мора да се интервјуираат во пријатна средина и не смее да се соочуваат со сторителот. Интервјуто го прави личност што ги сака децата и според одредени правила не се поставува кон нив како висок авторитет за да не се плашат од него и тоа да не влијае на нивните одговори. Клучно е да им пристапи човек кој е стручен во областа. Децата најчесто се жртви на семејно насилство или се сексуално злоупотребувани, но може да се најдат како сведоци во кражба или убиство”, вели Марија Келер Хамела.
Василка Божиновска, судија во Основниот суд Скопје 1, вели дека Министерството за правда треба да размисли во судовите да се вработат социолози, психолози, дефектолози, па и лица со друга специјалност, кога се во прашање децата. Таа смета дека се доцни со подготовките за примена на Законот за малолетничка правда.
Во рамките на програмата која се спроведува уште во Полска, во Летонија, во Литванија, во Украина, во Молдавија, во Бугарија и во Македонија ќе следуваат уште две еднодневни работилници за полициски инспектори и една обука за судии како дел од активностите на проектот, а и издавање на брошурата “Јас одам во суд”, наменета за децата сведоци чија цел е децата подобро да се запознаат со процедурите и да се подготват за сведочење на суд.
С.Н. |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
