|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
10 ГОДИНИ МКЦ БИТОЛА
Прослава со дебати за името и за Коридорот 8
Младинскиот културен центар - Битола (МКЦ) беше основана во 1997 година под името Младинска културна асоциација (МКА). Тоа во почетокот беше неформална група од млади ентузијасти - интелектуалци, самостојни артисти, музичари, актери...
Битолчани ги паметат културните настани (поетски вечери, концерти, алтернативни театарски претстави и изложби) кои ги организира МКА, значително збогатувајќи ја културната понуда на градот.
Во септември 1999 г. МКА се регистрира како здружение на граѓани, а во мај 2002 г., по организациската реконструкција, продолжи да работи како Младински културен центар - Битола.
Своите активности МКЦ ги спроведува преку неколку програми: Култура и уметност; Волонтерски сервис; Едукација; и, Развој на граѓанското општество и демократијата. Во овие десет години МКЦ спроведе низа фестивали, изложби, концерти, театарски претстави, издавачки проекти, кампањи, обуки за проектно управување, градење тим и лидерство, преговарачки вештини, застапништво, човекови права, театарска школа, компјутерски вештини, ораторство... МКЦ е и македонски национален волонтерски сервис.
Својот јубилеј МКЦ го одбележа во периодот 20-25 декември 2007 година, со повеќе активности. Беше одржана јавна дебата на темата „Дали трампа – името за НАТО?”, на која говореше проф. д-р Љубомир Фрчковски. На Техничкиот факултет во Битола се одржа академски форум за проектот Коридор 8, за кој беше дискутирано од сообраќаен, еколошки, енергетски и економски аспект, како и за можностите за економска, политичка, културна и друг вид соработка и негово претворање во мост на спојување на културите во Југоисточна Европа. На форумот учествуваа невладини активисти, професори и студенти од Техничкиот факултет од Битола и од Економскиот факултет од Прилеп. Во просториите на МКЦ беше отворена изложба на фотографии од Коридорот 8.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
