|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Тони Бачваровски
Би го променил поправедно балансот и распоредот на ресурсите и моќта
Професионално искуство
Информатички техничар, веќе 12 години. Седумгодишно работно искуство како информатичар во Хендикеп интернационал, во Македонија и во Југоисточна Европа. Две години претседател и информатичар во здружението „Отворете ги прозорците”, специјалност - пристапна информатичка опрема и софтвер. Во моментов сум на студии по компјутерска наука и информатика во САД.
Ангажирање во граѓанскиот сектор
Професионално вработен во Хендикеп интернационал, француско здружение на граѓани, 1999-2006 г. Коосновач и прв претседател на „Отворете ги прозорците”, Скопје, август 2005 - август 2007, по што ја вршам потпретседателската функција.
Хоби и интереси
Како и на многу информатичари, компјутерите ми се и професија и главно хоби, неизбежно за да се остане во трката.
Покрај тоа, и автомеханика, електрика и електроника.
Најтешка одлука
Да заминам на студии во САД и да ја напуштам Македонија привремено.
Амбиции
Да завршам универзитет во САД (УЦ Беркли во идеален случај), да стажирам во некои од центрите за пристапна технологија во регионот околу Сан Франциско и да станам еден од експертите за пристапна технологија за лица со хендикеп во Европа.
Во слободното време чита
Микрософт сервер 2003, а доколку имам повеќе слободно време, лесна литература што ќе ми дојде до раце или што ќе ми ја препорача некој, во моментов „Како да бидеш добар” (Хоњ то бе гоод – Ницк Хорнбѕ)
Каде оди во слободното време
Во САД се шетам по регионот и проверувам што се нуди, како што го нарекуваат тука „Бај ареа”, сите градови околу заливот кај Сан Франциско.
За време на викендите
Во Скопје се трудев да ги завршам сите приватни работи што ги запоставував преку неделата. Во САД ја истражувам околината.
Кој национален/локален проблем го смета за особено важен и зошто
Пасивноста на луѓето, иако имаме прекрасни граѓански организации и прекрасни луѓе во нив, генералната популација не ја разбира и не ја користи својата моќ за да направи промени во општеството и животот. Само остава с$ да тече „КАКО ШТО БИЛО ПИШАНО”.
Кој глобален проблем го смета за особено важен и зошто
Нетолерантноста меѓу нациите, расите, верите итн. Разликите стануваат причина за конфликт и проблеми, а не причина за соработка и развој.
Што би променил/а во Македонија и во светот
Во Македонија средствата и начинот на информирање. Светот, тоа е преголем залак за мене, има многу за менување, но доколку би можел, би го променил поправедно балансот и распоредот на ресурсите и моќта
Совет/порака
Јас немам некој специјален совет, но ќе искористам совет од еден од луѓето што најмногу ги почитувам: „Подобро да бидеш лице од вредност, отколку лице од успех” (Трѕ нот то бе а персон оф суццесс, бут ратхер а персон оф валуе) – Алберт Ајнштајн.
Никогаш не би можел/а
Многу работи!
Генерално, никогаш не би можел да им направам ништо на другите, што не би сакал да ми го направат мене.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
