|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Дамјанчо Стојановски, генерален секретар на Детската амбасада за сите деца во светот
Децата застапуваа државен интерес
„Меѓаши” обвинува за злоупотреба на децата - кој е вашиот став?
Прво, не може да обвинува некој кој не беше на настанот и не знае што се случи во суштина. Детската амбасада за сите деца во светот, како сериозна организација со над 18.500 деца членови, која ги штити правата на децата согласно Конвенцијата и Декларацијата за правата на детето на ОН, не може да си дозволи да импровизира настан, кој го посветивме на децата на загинатите бранители, како наша целна група со која работиме, а по повод Денот на АРМ, ден кој кај овие деца побудува посебни чувства на осаменост. Токму во нивна чест, децата едуцирани во сесијата за евроатлантски интегративни процеси при нашиот Детски едукативен центар „4 Јули” во Прилеп, каде ги едуцираме зошто Македонија се стреми во тие интеграции, со свое лого за своите другарчиња одлучија и настапија на овој ден да ја поддржат својата татковина за интеграција во НАТО.
Децата имаа прекрасен настан кој ги возбуди и кој го поздравија домашните и дипломатските присутни гости. Со организацијата децата само промовираа родољубивост, презентирајќи се како демократски подготвена младина што може да се носи со предизвиците на интеграцијата за подобра Македонија. Децата имаа 45-минутен настап на кој се движеа на топлото сонце и не беа изложени на енормно високи температури. По однос на собирањето потписи за поддршка на Република Македонија, од граѓаните минувачи во Скопје, децата наизменично беа ангажирани по 15 минути, нормално, на нивно особено задоволство. Во 10-те волонтери кои се грижеа за 150-те деца, имаше и родители на децата и медицинско лице. Сепак, ние повеќе ги сакаме децата од „душегрижинците” кои ги доведоа во ситуација да се прашуват како може толкава нивна добронамерност, изворна од нив, а за децата, толку многу погрешно да биде презентирана, посебно од „некој” кој се декларира дека ги штити нивните права. Нормално е тие мали детски, а искрени срца денес на „таквите” организации и недолични медиуми да гледаат со презир.
Ако сметате дека нема злоупотреба, кои се вашите аргументи за тоа?
Најпрво треба да се знае дека децата не застапуваа ни партиски ни политички интерес на една влада, децата застапуваа државен интерес за кој ги едуцираме во споменатата сесија во Детскиот едукативен центар.
Самиот факт што децата стекнатите знаења од сесијата за евроатлантска интеграција на ДЕЦ „4 Јули” можеа да ги презентират токму за денот на АРМ пред министерот, пред генералот и пред компетентните дипломати во државава, им претставуваше особено задоволство. Самите родители коментираа дека децата од Прилеп пред да појдеме за Скопје не спиеле од преголема возбуда, а камоли да чувствуват вина или незадоволство. Самите среќни и весели лица на децата кога се враќавме од Скопје за Прилеп покажаа колку на децата им значеше тој ден, кои со песна се вратија во својот град. И на крајот, „некој” ги обвини дека „згрешиле”.
Детската амбасада за сите деца во светот продолжува со текот на реализација на своите активности по повод љубилејот, 10 години Детска амбасада. Нашата работа со децата е уште поинтензивна, бидејќи во пресрет ни се многу големи и значајни проекти за државата, а токму во нивни интерес – на децата.
Кој ги злоупотреби децата за да лечи ниски комплекси на „ривалство”?!
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
