КОНЦЕПТИ

Погледнете низ нивните очи

Граѓанските организации во Македонија во последно време, освен со другите, се со­очуваат и со проблемот на неповолниот имиџ што се создава кај јавноста, а кој се однесува на нивната работа. Тенденциозно или заради недоволно информации кај јавноста се формира стереотип за тоа што се граѓанските организации. Стереотипот ги претставува како „пералници на пари“, „семејни биз­ниси“, „продолжена рака на странскиот фактор“ и слично. Ваквиот стереотип никому не може да му биде од полза. Ни на гра­ѓанските орга­низации, ниту пак на др­жавата во која работат.

За жал, со тенденциозноста многу тешко ќе се справиме. Простор за поправање на ваквата состојба има доколку се работи за втората причина -  недостатокот на информации. Граѓанските организации треба да воспостават релации со јавноста и да и го предочат начинот на работење, целта на нивното форми­рање, резул­татите и ефектите од нивната работа. Затоа е потребно уште еднаш да ги преиспитаме нашите вештини во водењето односи со јавноста.

Во овој и во следните два броја Ќе ве потсетиме на основните елементи на односите со јавноста.

Што се односи со јавноста?

Кога се размислува за односите со јав­носта често во преден план е некаква сен­зационална промоција на постигну­вањата на организацијата. Односите со јавноста пред се се корисни за орга­низацијата за да и помогнат да стане покритична кон својата работа. Гледајќи ја вашата орга­низација на начинот на кој ја гледаат другите, може да станете подобри и може да бидете сигурни дека на корисниците им ја давате најдобрата можна услуга.

Дури и многу од оние кои имаат познавање од односи со јавноста погрешно веруваат дека се работи за односи со медиумите, но односите со медиумите се само дел од односите со јавноста.  Според Институтот за односи со јавноста, официјалната дефи­ниција е „планиран и одржлив напор за да се воспостави и одржи добра волја и меѓу­себно разбирање помеѓу една орга­низација и нејзината јавност.“

што значи ова за граѓанските организации? За вас односите со јавноста значат да се проектира имиџот или личноста на вашата организација на вашата сопствена „јавност“ - корисници, поддржувачи, спонзори, дона­тори, локалната заедница и вашата друга публика, како на пример вашиот локален совет, другите добротворни организации и да не го заборавиме персоналот и волонтерите.

Значи се работи за пренесување на вашата порака до вашата публика, но тоа е двона­сочен процес. Вие мора да кому­ницирате со вашата публика, но треба исто така да & овозможите на публиката полесна кому­никација со вас. Еднонасочната кому­никација е саморекламирање. Вистин­ските односи со јавноста вклучуваат дијалог - вие треба да ги слушате другите, да ги гледате нештата од нивна перспектива и нивните критики и жалби да ги разгледа одборот на вашата орга­низација, особено ако доаѓаат од корисниците на вашите услуги.

Зошто ни се потребни односи со јавноста?

Како граѓанска организација вие ја гледате вашата улога како давател на услуги, или како некој што води кампањи, собира парични прилози, или што било друго, но за да соберете пари за да го правите она што го правите, треба да создадете профил - кај јавноста, кај другите организации, како и кај локалните власти, кај централната влада и донаторите. На се’ поконкурентниот пазар, со се’ повеќе организации, а со се’ помалку пари, оние кои имаат создадено профил се тие што Ќе си обезбедат пари. Можеби ова звучи непра­ведно, но тоа е реалноста.

Некои граѓански организации се особено претпазливи во односите со јавноста. Тие погрешно веруваат дека односите со јавноста имаат за цел да се промовираат постиг­нувањата на еден сензационален начин. Тие мислат дека станува збор за сјаен имиџ; мислат дека станува збор за прикривање на грешките и недостатоците во нивната орга­низација.

Секогаш ќе постојат луѓе кои ќе се бунат заради тоа што хуманитарните организации или воопшто граѓанските организации трошат пари на односи со јавноста, луѓе кои ги сметаат односите со јавноста за скап луксуз или за тотално непотребна или несоодветна работа. Многу донатори и членови на јав­носта веруваат дека секој денар од приходот на хуманитарната организација треба да оди директно за целта: тие се неволни да ја спонзорираат администрацијата и Ќе се повлечат доколку парите се трошат на односи со јавноста. Но, доколку станува збор за добро осмислена,  просветена и внимателно структурирана кампања за односи со јавноста која создава по­зитивни бенефиции, Ќе видите дека тие луѓе немаат повеќе оправдувања; дури можеби и ќе ги замолите да подзастанат и да размислат уште еднаш за својот став кон односите со јавноста.

Разговарајте со вашата публика

Добрите односи со јавноста може да резултираат со подобрена услуга за вашите целни групи: со насочување на нивните потреби и со гледање на нештата од нивното гледиште, така што она што го правите може да биде уште подобро. Тоа е она што лежи во основата на односите со јавноста. Станува збор за слушање на другите и развивање дво­насочен процес, кој се темели на меѓу­себна доверба и разбирање.

Вие треба да ја видите вашата орга­низација на начинот на кој ја гледаат другите и да ги вклучите корисниците и оние кои ве поддржуваат за да ја подобрите вашата работа. Добра точка за почеток е да разговарате со вашата публика и да откриете што мислат тие за вас. Прашајте ги корис­ниците за вашата услуга за да добиете идеја како би можеле да се подобрат нештата. Откријте од членовите како би можеле да развиете подобра интеракција со нив. Збо­рувајте со оние кои ве поддржуваат што би сакале да видат тие. И, прашајте го вашиот персонал, исто така. Чудесно е колку многу добри идеи Ќе имаат тие, но без позитивното охрабрување, тие можеби нема да ги иска­жат. Со критичниот однос кон себеси, кој се создава доколку се гледа преку очите на другите, вие може да воведете подобрување во многу области на вашата работа. Може да станете подобри во комуникацијата и во слушањето.

Подготвила: Гонце Јаковлеска
(Користен материјал: “The daily guide for public relations”, Мои Али)