Извештај на Светската банка

Показатели на светскиот развој за 2005

Во новиот извештај на Светската банка за показателите на раз­војот кој беше издаден во април, се бара побрз напредок во нама­лу­вањето на смртноста кај децата, како и поголем процент на запишани деца во основните училишта, особено девојчиња. Из­веш­тајот бележи дека пет години по Милениумската декларација, многу земји напреднаа во поглед на остварувањето на целите на декларацијата, но и дека има уште повеќе кои се уште за­ос­та­ну­ваат. Според извештајот, потребен е брз напредок во нама­лу­ва­њето на смртноста на мајките и децата, поттик на уписот во основните училишта и отстранување на пречките за запишување на девојчињата на училиште. Во извештајот за ПСР исто така се ве­ли дека само 33 земји се на вистинскиот пат да ја остварат цел­та за 2015 година која се однесува на намалувањето на смртноста на децата за две третини во споредба со нивото од 1990 година. Речиси 11 милиони деца во земјите во развој умираат пред да наполнат 5 години, повеќето од нив од причини кои во побогатите земји лесно можат да се спречат. Податоците добиени од страна на Светската банка сугерираат де­ка четири региони (Источна Азија и Пацификот, Источна Европа и Цен­трална Азија, Јужна Америка и Кари­бите и Средниот Исток и Се­вер­на Африка) имаат постигнато значителен напредок во поглед на намалувањето на смртноста на де­ца­та, и тоа со две третини. Со нај­те­жок предизвик се соочува Афри­ка (под Сахара). Целосниот извеш­тај е достапен на: www.worldbank.org/data/wdi2005.
Т.Х.

 

Канада

Студијата против насилството врз доморотките

Канада планира да финансира студија во вредност од 5 милиони долари за борба против убивањето и силувањето жени доморотки и да помогне во изготвувањето закони, полициски процедури, социјални услуги и државно обра­зо­ва­ние, изјавила групата на жени-доморотки.

Повеќе од 500 жени доморотки се исчезнати или убиени во последните 20 години. Иако се само три проценти од вкуп­но­то население во Канада, тие претставуваат 29 проценти од жените затворенички во државните затвори, про­це­ну­ва­ат Канадските групи за права на жените.

Обединетите нации се избрани како место за соопштението поради одржувањето на кон­фе­ренцијата на Постојаниот форум за ло­кал­ни прашања при Обединетите нации.

Според Родолфо Штавенхаген, професор од Мексико, кој работи како специјален из­вес­т­у­вач и истражувач за локалното население, спе­цифичните потреби на домородното насе­ле­ние премногу долго биле запоставувани, а стапките на самоубиство, проституција, како и проблемите со добросостојбата на децата, се особено изразени во урбаните области на Канада.

Целта на дејствување на жените доморотки е да се подготват децата доморотци за живот во “општеството на белците”. Но, обидите за асимилациаја за многумина од нив прет­ста­ву­ва­ат психичка и емоционална злоупотреба и дискриминација, како и губење на својата култура. “Губењето на идентитетот има врска со ова”, рече Штавенхаген.     
Г.Ш.

 

Судан

Властите затвориле локален дневен весник на еден ден

На 21 мај властите во Судан го затворија дневниот весник Кар­тум монитор (КМ) со седиште во Аркавајт, гратче во близина на главниот град Карторум, поради несогласување во врска со две статии кои весникот имал намера да ги објави. “Проблемот ле­жи во цензурата. Владата се обидува да не цензурира, а ние се бориме”, изјави за ИРИН во неделата Вилијам Езекил, главен и одговорен уредник на КМ.

Езекил примил повик од обезбедувањето во 23 часот и од него се побарало да ги замени двете статии кои се однесувале на суд­ирите што се случиле помеѓу внатрешно раселените лица и безбедносните сили на Судан во кампот Соба Еради, камп на ВРЛ. Борбите избувнале кога безбедносните претставници се оби­­дела насилно да ги преместат ВРЛ од Соба Еради, 30 кило­метри јужно од Картум. Се вели дека најмалку 30 луѓе - 14 полицајци и повеќе од 20 ВРЛ биле убиени во немирите. Во првата статија под наслов “Престанете да ги заплашувате невините”, било побарано да се избрише напишаното во врска со безбедносните сили. Втората статија, пак, пишувала за вознемиреноста на една внатрешно раселена мајка која ја загубила својата 13-годишна ќерка во немирите од средата.                      
Г.Ш.