|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Форум Сид - Македонија
Промотор на неформалниото образование и вредностите на волонтеризмот
Форум Сид - Македонија (поранешен проект ПРОНИ) е невладина организација и е дел од мрежата на канцеларии Форум Сид на Балканот. Во Македонија работи од 2002 година и има соработка со Министерството за образование, со Агенцијата за млади и спорт, како и со општината Карпош и со општината Тетово. Како организација, таа е промотор на неформалното образование и вредностите на волонтеризмот. Главна цел на организацијата е преку развојот на младите луѓе и заедницата, да се зголеми чувството на припадност кон самата заедница, а главни проектни активности што ги спроведува се: неформалното образование, младинските активности, младинскиот фонд и младинската политика. Преку своите активности, Форум Сид работи на намалување на дискриминацијата, применување на толеранцијата, афирмирање на еднаквоста на половите, афирмација на интеркултурното учење, афирмација на ненасилната култура како продуктивна основа за безбедно општество и афирмација на доброволното работење и развојот на волонтерската работа корисна за заедницата.
Неформалното образование го спроведува преку организирање акредитиран универзитетски курс за лидерство и развој на младинското работење, од школото за едукација и комуникација при Универзитетот од Јонкопинг - Шведска, а курсот се имплементира како ниво А и Б.
Учесниците на овој курс се стекнуваат со различни вештини и квалитети за младински работници или фацилитатори и, покрај тоа, ги изучуваат предметите: социјална едукација, работа со адолесценти, индивидуална работа, групна работа, менаџмент на помирување и конфликт, како и проектен менаџмент.
Младинскиот фонд го сочинуваат млади волонтери од Скопје и од Тетово кои директно учествуваат во процесот на доделување грантови на физички лица, кои имаат идеи за младински активности, но немаат доволно финансии за да го реализираат тоа. Донатор на Форум Сид е Шведската агенција за развој (СИДА), а организацијата има две канцеларии и два младински клуба, во Скопје и во Тетово. Во Скопје, седиштето и Младинскиот клуб се на ул. “Фјодор Достоевски” бр. 2 (Месна заедница Влае), а во Тетово во административната барака на Општина Тетово.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
