|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Виолета Патровска
Заеднички ја продлабочуваме соработката со општината Куманово
На свечената академија, на 11 ноември 2007 година, Организацијата на жените „Кумановка” од Куманово се закити со највисокото општествено признание на градот, „Ноемвриската награда”, што ја додели градоначалникот на општината, Зоран Дамјановски, по повод Денот на ослободувањето на градот. Наградата е доделена за досегашните реализирани програмски активности на организацијата, особено во насока на промоција и поддршка на јакнењето на политичката и општествената улога на жените, како суштински аспект на развојот на граѓанското општество. Активностите на организацијата претставуваат здружување на силите и напорите со цел ефектуирање на поединечно зацртаните програмски определби во форма на законски одредби кои резултираат со унапредување на положбата на жената и младите, воопшто, а професионалноста и одговорноста се сметаат за одлика на работата на нашата организација.
Велиме државата е столб врз кој се организира демократскиот поредок во системот и правна рамка преку која се уредуваат политичките, економските и општествените активности на граѓаните, додека граѓанското општество го претставува срцето на демократијата. Граѓанското општество наједноставно се објаснува како сфера во која постои широкораспространета мрежа на професионални или аматерски асоцијации, работни групи од секаков вид, невладини организации итн., кои се одредуваат како колективни актери на граѓанското општество, а преку кои граѓаните го култивираат чувството на солидарност и партиципативност во целината на меѓусебните односи.
Локалната самоуправа е ниво кое е најблиско до граѓаните и нејзина непосредна одговорност да обезбеди опкружување кое води кон економски развој и јако граѓанско општество. Развојот на „Кумановка” во општината е од исклучителна важност за демократските вредности на истата и поттикнување на граѓанската свест. Улогата и придонесот во промовирањето и градењето на демократската култура на сите општествени нивоа е израз на потребата од соработка со општината, со цел ефикасно да се одговори на предизвиците на локалната заедница.
Нашата општина е отворена за соработка, со што го негува взаемното почитување, партнерството и транспарентноста во комуникацијата. Градоначалникот и Советот на општината Куманово го поддржуваат процесот на учество на ОЖ „Кумановка” во креирањето на политиките во заедницата како баланс, коректив и надополнувач во развојот на демократијата и демократските вредности. Заеднички ја продлабочуваме соработката, со цел размена на искуства и учење на добри практики, како и аплицирање на партнерски грантови, согласно потребите на граѓаните, со што ќе се истакнат резултатите од заеднички спроведени проекти, а граѓаните ќе го препознаат позитивното влијание на локалната самоуправа и граѓанските организации. Постои волја, визија и капацитет да се направи сериозен исчекор напред.
Граѓанските организации се рамноправен партнер во реализирањето проекти и програми, во создавањето нови одржливи критериуми за финансиска поддршка, во јакнењето на заедничките капацитети кои ќе одговараат на програмите на ЕУ (2008 - 2013), и во изработката на програма (пишан документ) за соработка помеѓу локалната самоуправа и граѓанските организации за заеднички настап пред ЕУ.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
