Последно издание Контакт Нарачка преку e-mail
Архива
Коментар
Настани
Граѓанско општество
Деца
Студенти
Здравство
Животна средина
Календар
Прашања и одговори
Балкан-експрес
Европа
Свет
Тема
Репортажа
Интервју
Погледи
Претставување
Публикации
Историјат на граѓанското општество
Луѓе
Мобилизација на ресурси
Искуства од регионот
Избор
Прва страница
Документи и публикации
Документи
Извештаи
Публикации
Водичи
НВО САЕМ
Настани
Галерија
Архива
Архива на онлајн вести
2003
2004
2005
2006
2007
2008
Адресари
Луѓе од граганскиот сектор
Проекти на граѓанските организации во Македонија
Адресар на верските заедници во РМ
Адресар на граѓанските организации во Македонија
Адресар на општини во Република Македонија
Билтен на МЦМС
Билтен за меѓурелигиска соработка
Перспективи
Граѓански практики
Контакт






ONLINE ВЕРЗИЈА
ПЕЧАТЕНА ВЕРЗИЈА

  Број 79  Тема

“Месечина” и “Арка” работат на впишување на возрасни во матична евиденција

Луѓето се раѓаат по втор пат, откако ќе добијат лични документи

Бари, Алиса, Џејлан и низа други имиња се само дел од примерите за успешнната работа на ромските информативни центри на хуманитарното здружение Месечина од Гостивар. Тие, иако возрасни луѓе, неодамна добија прв извод од матичната книга на родените и практично се родија повторно. Долги години неевидентирани во ниедна книга, овие луѓе немаа регулиран статус во државата, а тоа не можеле да им го овозможат ниту на нивните деца. На повеќегодишни проекти за вадење лични документи и за пријавување во матичната книга на родените работи и Форумот за правата на Ромите „Арка” од Куманово. Во текот на 2007 г. само во Скопје преку Арка во процедура се внесени стотина деца и возрасни, а според податоците од теренот тоа не е ниту 10 проценти од потребите на ромската популација. До нив секојдневно се обраќаат голем број луѓе со истите проблеми, заради што и во текот на следниот месец ќе се работи на продолжување на проектот со донаторите ИТЗ и УСАИД. Во проектите на Арка се вклучени и кумановските Роми, а соработката е проширена и во Косово и во Србија, заради тесните семејни врски меѓу нив и македонските Роми.

„Арка на проектот за лични документи работи во Куманово и во Скопје. Во текот на последните две години решени се илјадници случаи, но потребата е многу поголема. Граѓанските организации имаат капацитет, но тој процес мора подолго време да биде поддржан од донатори. Постапките во овие градови некогаш траат и со месеци, бидејќи вадиме документи и за странски државјани кои сега живеат во Македонија. Затоа и соработуваме со наши партнерски организации во Косово и во Србија, со што успешно ги решаваме и овие случаи”, вели Рамадан Шакировски, координатор на проектот на Арка во Скопје.

Алиса од Велес, родена во 1983 г., е мајка на три малолетни деца. Таа никогаш не била пријавена дека постои. Денеска е мажена во Гостивар, оформила семејство, ама ниту таа, а ниту нејзините три деца не се пријавени во матичната евиденција. Сличен е случајот и на Џејлан родена во 1990 г. во Скопје во Шуто Оризари. Таа има уште 5 браќа и сестри, но за жал, заради тоа што таа била родена во домашни услови, останала непријавена во матичната евиденција. Денес таа е мажена во Гостивар и е мајка на две малолетни деца.

Бари е еден од повозрасните примери за човек кој не постои во евиденцијата на државата. Тој има 29 години, а непријавена била и неговата сопруга и нивните деца. Бари бил роден дома, што дополнително ги комплицира работите во вадењето на документите, велат во Месечина. За тоа се потребни двајца сведоци кои ќе потврдат дека тој човек се родил во таа куќа, дека е дете на тие родители, а оваа постапка дополнително се комплицира, колку е човекот повозрасен.

Успешни приказни

Денеска сите тројца се дел од успешните приказни завршени со помош на Месечина. Од хуманитарното здружение успеаја дури по повеќе од две години, во соработка со Информативниот центар за граѓанско општество од Скопје, да ја пријават Џејлан и таа да добие извод од матичната книга на родените. Во моментов се води постапка за регистрирање на бракот и за заведување на двете деца, во матичната книга на родените.

Месецина кон крајот на 2006 годиниа, по 6 месеци работа и комуникација со матичното одделение во Велес, за прв пат успеа да ја пријави и Алиса дека постои во овој свет. Таа денеска има извод од матичната книга на родените, лична карта, венчана е со сопругот, а и нејзините три малолетни деца се пријавени и поседуваат изводи. Пријавен е и Бари, како и неговите деца.

„Процесот на пријавување во матичната книга на родените е долг, бара многу финансии, коишто овие луѓе кои живеат во сиромаштија ги немаат. Правна помош, како и пари за целиот процес добиваат од хуманитарното здружение Месечина, кое на овој проблем работи повеќе години”, вели Мухамед Точи од Месечина.

Причини за оваа состојба има повеќе, објаснува Точи. Најголемиот број од Ромите се написмени и не успеваат навреме, во законскиот рок, да ги пријават новородените. А, откако рокот ќе помине, тие се плашат од трошоците и казните кои не можат да ги платат. Има и такви кои и самите не се пријавени, па не можат да извадат изводи ниту за децата, па не знаат од каде треба да почнат.

„Месечина веќе подолго време се соочува со сите овие примери за кои веруваме дека не треба да бидат работа само на граѓанските организации, туку на социјалните служби на државата. Особено проблемот се комплицира кога овие деца или возрасни никогаш во животот немале ниту здравствено осигурување, ниту пак биле вклучени во образовниот процес. Законите јасно кажуваат, не постои пречка, па ниту фактот што не поседуваат извод од матичната книга на родените, за да немаат здравствена книшка, или пак да одат во училиште. Македонија има добри закони, но не се почитуваат доволно”, вели Точи.

Сепак, и покрај големиот број успешно решени примери, во Арка посочуваат дека има и такви за кои треба многу време и работа, а сепак нема гаранција дека ќе бидат решени. Примерот со девојка од Скопје, која не знае кога е родена, а тоа не можат да го потврдат ниту нејзините родители, не е единствен. Таа во моментов е во процедура за вадење извод од матичната книга на родените, но многу е тешко да се докаже нејзиното потекло и возраста. Тоа единствено може да се реши со ДНК-тест, кој е многу скап.

Нови услови за вадење документи

Проблемот со вадењето на изводите во последно време дополнително се компликува и со барањето на матичните служби за ДНК-тест за сите случаи во кои децата се родени во домашни услови. Според објаснувањето на државните служби, изјавите од сведоците не се доволни. Ова не само што ќе ја одолжи постапката за вадење на потребните документи, туку и ќе чини многу повеќе, бидејќи ДНК-тестот во МАНУ се плаќа 6.000 денари, додека пак во Клиничкиот центар е седумпати повеќе. Овие суми ја надминуваат финансиската моќ и на граѓанските организации Месечина и Арка, заради што решението ќе се бара во барањето донатори кои ќе ги покриваат овие трошоци.

„Постапката не е толку комплицирана доколку детето е родено во болница. Во тој случај, иако не е повеќе години пријавено во матичната евиденција, болниците чуват податоци за новородените и за нивните мајки. Во овие случаи, потребни се само неколку месеци за да се извадат сите потребни документи за прво пријавување во книгата на родените и, се разбира, помалку финансии”, нагласува Точи. Тој смета дека добро би било и училиштата да се вклучат во овој процес со тоа што ќе го почитуваат законот и ќе обезбедат секое дете од 7 до 18 години да се вклучи во образовниот процес. Тоа ќе го поедностави понатамошното вадење на потребните докуманти за овие деца, со оглед на тоа дека ДНК-тестот нема да биде веќе потребен.

„Ваквата помош од Месечина им е неопходна и на многу други семејства и индивидуи кои с$ уште не се заведени во матичната книга на родените. Помошта со која треба да се разрешува овој проблем не е само одговорност и задача на граѓанските организации, тоа е задача и морално разбирање на фактичката состојба и на самата држава, во чиј интерес е да има повеќе граѓани со регулиран статус. Лошо е што постапката понекогаш толку се комлицира, што на луѓето им се влева страв кој придонесува до нивно откажување во постапката”, вели Точи.
Линкови
Граѓански организации и фондации
Медиуми
Институции
Регион и свет
Странски организации и претставништва во РМ
Сервиси
Огласи за обуки
Слободни работни места
Конкурси
























НОВОСТИ
Крај на почетокот
Тоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
Кампањата “Учиме за ЕУ”
Прашањето за уставното име на Македонија го засени интересот за Унијата
Што е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука.
Реализирана најголемата еколошка акција кај нас
Македонија засади над два милиони садници
Над 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други.
Катерина Хаџи-Мицева
Кодекси на добро однесување
Кодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот
Граѓанска организација Англунипе - Тетово
Факултативната настава на ромски јазик - препознатлива активност
Граѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка
Донација
Нов парк од Космофон за штитениците на заводот во Демир Капија
Специјалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило
Проект на Биосфера од Битола
Уреден дворот на Домот за доенчиња и мали деца
Во изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола
Еколозите против нанотехнологијата во прехранбената индустрија
Еколошката групација “Пријатели на планетата Земја” (ФОЕ) повика да се воведе мораториум на користењето на нанотехнологијата во прехранбениот синџир, укажувајќи дека недоволно е истражено влијанието врз човековото здравје и природната средина
 

©MCMS - designed by KOMA