|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Трибина на МЦМС и ЗНМ
Различности во информирањето на претседателските избори
Во организација на Македонскиот центар за меѓународна соработка (МЦМС) и Здружението на новинарите на Македонија (ЗНМ), во Клубот на пратениците во Скопје, на 08 јуни се одржа трибина со наслов “Различности во информирањето на претседателските избори”.
Трибината беше наменета за претставници на медиумите, а основа за дискусија беа написите на Дневник, Утрински весник, Вечер, Факти и Лоби, кои се вклучени во спроведувањето на програмата Страници за меѓусебно разбирање.
На трибината се дискутираше за информирањето на медиумите на последните претседателски избори. Сашо Ордановски, главен и одговорен уредник на Форум, еден од воведничрите на трибината, го отвори прашањето на транспарентноста на претседателските кампањи: “Да видиме каде се школуваат децата на претседателот, дали во државно или во приватно училиште. Ако се школуваат во приватно, дали тоа не значи недоверба во државните институции? Дали знаеме што има во приватната библиотека на претседателот, или што работат нивните родители? Ние многу малку знаеме за тоа. Ние се задоволуваме само од прес-конференциите на партиите, а не реагираме на тврдења од типот дека на некое гласачко место има избирачки фалсификат, па да одиме таму и малку да истражиме за тоа”, рече Ордановски.
“На овие избори за првпат во независна Македонија во дневниот печат немаше провладини и проопозициски весници за време на претседателска кампања. Имаше еднаков однос на медиумите спрема сите кандидати. Освен кандидатот на Демократската партија на Албанците (ДПА) која играше на картата на радикализмот, другите партии и нивните кандидати за претседател не се бавеа премногу со меѓуетничките фрустрации. Имаше двајца сериозни кандидати за претседател и двајца колку да ја исполнат празнината. Всушност, ако се види подлабоко, имаше само еден кандидат”, изјави Даут Даути, главен и одговорен уредник на весникот на албански јазик, Флака и воведничар на трибината.
А, директорот и главен и одговорен на Македонската информативна агенција (МИА), Зоран Иванов, како учесник на трибината потенцира: “Нема веќе играње и манипулација на гласачите преку медиумите или невладините организации. Нема веќе голо повикување од наша страна за излегување на граѓаните на гласање, тие веќе не се толку зависни од политиките и политичарите. И покрај тоа што и ние и НВО повикувавме на гласање, едвај излегоа над 51 % од нив”.
Програмата “Страници за меѓусебно разбирање”, финансиски е поддржана од Европската агенција за реконструкција (ЕАР).
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
