|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Средба на мрежата- Наследството на југоисточна Европа
Културното наследство се злоупотребува во политички и идеолошки цели
Претставниците на регионалната мрежа СЕЕ Херитиџ (СЕЕ Херитаге) - Наследство на југоисточна Европа, летово (од 2 до 4 јули) имаа работна средба во Македонија, во рамките на која во Скопје се одржа јавна дебата на темата „Културното наследство и неговата злоупотреба во политички и идеолошки цели”, а во Охрид претставниците на вмрежните организации ги презентираа новините од регионот, како и содржината на интернет-страницата на СЕЕ Херитиџ (СЕЕ Херитаге).
Средбата се реализира со поддршка на мрежната програма Исток-Исток: Партнерство преку границите, на Институтот отворено општество, Њујорк, во организација на ФИООМ во име на мрежата во која членуваат здруженија на граѓани од Македонија, од Босна и Херцеговина, од Албанија, од Црна Гора и од Србија, а во регионот работат на заштита и промоција на културното наследство.
На јавната дебата „Културното наследство и неговата злоупотреба во политички и идеолошки цели”, одржана во Културниот центар „Мала станица”, вниманието на учесниците, претставници на невладини организации, но и на државни и културни институции, го привлекоа излагањата на воведничарите д-р Вјеран Катунариќ од Филозофскиот факултет во Загреб, на Небојша Миликиќ од Културниот центар Рекс од Белград и на д-р Лазар Шуманов, претставник на Националниот комитет на ИКОМОС.
Целта на дебатата беше да се издигне свеста за проблемот на користење на наследството во остварувањето на дневнополитичките агенди, верските, идеолошките и другите мотиви, проблем што се јавува с$ позачестено во регионот и кој доведува до заострување на односите меѓу народите и државите.
„Староста на нацијата: од академски дискурс до културен туризам”, беше темата на која говореше Катунариќ, според кого културното наследство како дел од колективната меморија не треба да се злоупотребува за политички цели, но и да се брише и менува. „Наследството треба да се употребува со големо внимание кога се посочува дека е национално, за да не биде примено во негативна и политичка конотација” - посочи Катунариќ, говорејќи за дел од актуелните злоупотреби, присутни не само во регионот, туку и во светот, воопшто. Тој потенцира дека наследството се користи во постигнување националистички цели, во привлекување туристи, но и дека во светските музеи неправедно се прави разлика меѓу наследството на големите и мали нации и укажа на потребата од актуализирање на градењето интеркултурализам, кој треба да произлезе од судирот меѓу присутниот империјализам и национализмот во светот, кој се потпира и врз користењето на културното наследство.
Впечатливата презентација на Небојша Миликиќ на темата „Економија на етнизацијата: зголемениот интерес за етничката компонента на културното наследство”, содржеше и актуелни примери од Србија, од Романија и од Грузија. За него инсистирањето на презервација и реконструкција на културното наследство има своја проблематична политичка и економска димензија.
„Зголемувањето на идентификацијата со етничкото наследство и неговите манифестации во откриениот и повторно откриениот фолклор, на вознемирувачки начин кореспондира не само со општиот пораст на етничка нетрпеливост, туку и со невеселата економска и политичка ситуација статус кво, не само во регионот, туку и во дел од светот” - смета Миликиќ.
Присутните преку излагањето на Лазар Шуманов беа запознаени и со содржината на т.н. Охридска декларација за заштита на културното наследство и природните катастрофи, донесена по воениот конфликт во 2001 година. Шуманов говореше за релацијата меѓу културното наследство и „катастрофите”, предизвикани од човекот, осврнувајќи се и на уништувањето на дел од културното наследство за време на воениот конфликт, но и за деструкциите предизвикани од невнимание и необрнување грижа за вредностите од минатото.
На средбата во Охрид членовите на мрежата дискутираа за нејзиниот манифест, за критериумите за членство, за своте идни активности, како што е прибирањето средства, промовирањето на активностите, а се постигна договор и за теми за следната средба.
К.Б.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
