|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Габриела Спирковска
Уживај го моментот
Професионално искуство
Програм-менаџер во Македонскиот центар за женски права.
Ангажирање во граѓанскиот сектор
Во 2003 г. беа моите почетоци во граѓанскиот сектор. Таа година започнав да работам како правник во прифатилиштето за жени и деца жртви на семејно насилство, со што се остварија и моите верувања дека професијата правник има и хумана димензија доколку се насочи кон помагање на оние на кои правната помош им е навистина потребна.
Хоби и интереси
Слушање музика, гледање филмови, читање, прошетки со моите две најслатки кутриња на светот, Сара и Дина...
Најтешка одлука
Секоја одлука може да биде тешка во одредена ситуација, посебно ако се однесува на нешто што ни е посебно важно, а што може во голема мера да предизвика промени во нашите животи.
Амбиции
Стручно усовршување, постдипломски студии, а можеби и повеќе...
Во слободното време чита
Секојдневно читам, иако во последно време тоа најчесто се весници и списанија, а некако најтешко наоѓам време за добра книга. Последната книга која сум ја прочитала беше „Вкрстени коски” од Кети Рајкс.
Каде оди во слободното време
Слободното време најчесто го поминувам со моите пријатели, а одиме на места каде се чувствуваме пријатно. Најчесто тоа е некое ресторанче каде што можеме да се изнамуабетиме за с$ и сешто...
За време на викендите
Викендите начесто ги користам за полнење на батериите, а тоа најдобро го правам во кругот на моето семејство.
Кој национален/локален проблем го смета за особено важен и зошто?
Јас би рекла дека има повеќе: владеењето на правото, социјалната негрижа, постојаните кршења на човековите права. Сите овие проблеми прават нашите граѓани да се чувствуваат некомотно во сопствената држава.
Кој глобален проблем го смета за особено важен и зошто?
Постоењето на екстремно богати и екстремно сиромашни држави во светот и настојувањата на вторите да ја наметнат својата волја врз другите држави. Таа ситуација доведува до војни, прекројување на граници и што уште не...
Што би променил/а во Македонија и во светот?
Кога би можела (иако знам дека не можам), би го сменила менталитетот на нашите луѓе. Да почнеме да се сакаме и почитуваме меѓу себе, да научиме повеќе да се смееме, да си ги смениме лошите навики и да се насочиме само кон убави нешта...
Совет/порака
Уживај го моментот, затоа што секој момент е неповторлив, а сите тие моменти заедно го прават животот!!!
Никогаш не би можел/а
Дефинитивно никогаш не би можела без моите родители!!
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
