|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Донација на Космофон
Гостивар доби забавен парк за деца
Гостивар доби забавен парк за деца, на површина од 800 квадратни метри, донација од Космофон. Во него се поставени комбинирани реквизити наменети за деца од предучилишна и училишна возраст и претставува прво вакво место за забава на најмладите жители на овој град.
Неговата локацијата е во Градскиот парк, а истата ја обезбеди општината Гостивар. Градоначалникот Невзат Бејта, на чинот на отворањето на игралиштето му се заблагодари на Космофон за донацијата. Тој нагласи дека детското игралиште е само дел од соработката на локалната самоуправа со компанијата.
Игралиштето, кое веднаш стана омилено место на најмладите гостиварци, содржи богат избор на рекреативни реквизити наменети за развој на физичката кординација, сила и флексибилност кај децата, како и за рекреација и забава. Содржи и посебни катчиња за најмалите деца од предучилишна возраст и за поголеми деца до 14 години.
Претставниците на Космофон, при отворањето на игралиштето, нагласија дека не е важна финансиската висина на донацијата, туку нејзината општествена корисност и посветеноста на компанијата да работи во интерес и за доброто на граѓаните. Овој пат, главните корисници се децата на Гостивар и неговата околина, кои добија модерно, богато опремено и безбедно место за играње.
„Со оваа донација Космофон уште еднаш ја потврдува својата општествена одговорност, како компанија која постојано учествува во разни области кои се од значење за заедницата”, изјави Емилија Трајковиќ-Христова, одговорна за односи со јавност во Космофон, притоа нагласувајќи дека ова е прва донација од ваков вид и дека наскоро компанијата ќе донира слични проекти и во другите градови во Македонија.
Наскоро, според Христова, ќе биде отворено и слично игралиште во скопската општина Гази Баба, а во иднина и во неколку други градови во Македонија. Таа најави дека во текот на септември Космофон ќе & донира и најпотребен потрошен материјал на Клиниката за гинекологија, наменет за предверемено родените бебиња. Се работи за лекови и опрема вредни близу 30.000 евра.
Во октомври, пак, во соработка со Црвениот крст, ќе биде отворен и првиот Шелтер центар за бездомници во Скопје, каде на овие лица ќе им биде понудена храна, лекови и медицинска помош, место за капење и перење на облеката, но не и место за преноќување.
С.Н
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
