Недела на “Christian Aid” 2005

Поддршка од Ронан Китинг и Џил Хафпени

Неделата на “Christian Aid”, која се одвиваше од 15 до 21 мај е првпат започната во 1957 година и е најстарата кампања за собирање средства “од врата на врата” во Велика Британија.

Мина­тата година “собирачите” на неделата на “Christian Aid” собраа 14,7 милиони фунти кои беа искористени за поддршка на хуманитарната работа во повеќе од 50 сиромашни земји во светот.

Оваа година, за време на одржувањето на неделата на “Christian Aid”, освен вообичените повици за готовина, волонтерите ќе делат кар­тички од кампањата кои потоа ќе се ис­пра­ќаат да владата со барање да се реши прашањето на неправедноста во светската трговија.

“Нападот” со картичките се совпаѓа со прет­се­­­дателството на Велика Британија со ЕУ, кое треба да започне подоцна годинава. Вла­да­та исто така ќе биде и домаќин на сред­ба­та Г8 на најмоќните светски лидери во јули, оваа година.

Трговските услови кои им се наметнати на си­ромашните земји од страна на глобалните институции и побогатите народи уништуваат животи и економии и им ја одземаат на ми­лио­ни луѓе можноста сами да најдат излез од си­ро­маш­тијата.

Ирската поп-ѕвезда и амбасадор на “Christian Aid”, Ро­нан Китинг, кој беше сведок на деструктивното вли­ја­ние на меѓународните трговски правила, кога ја по­се­ти Гана минатата година со добротворната ор­га­ни­за­ција, рече: “Визијата на ‘Christian Aid’ е свет во кој не постои сиромаштија. Со донирање пари и со пре­зе­ма­ње акции за трговска правда, можете да помогнете таа визија да се оствари во неделата на ‘Christian Aid’”. Повеќе од седум милиони луѓе земаат учество во неделата на “Christian Aid” секоја година, а 350.000 волонтери учествуваат во собирањето сред­ства “од врата на врата”. Илјадници спонзорирани настани се одвиваат низ целата земја, а детали од тие нас­тани можете да најдете на страницата њњњ.цхристианаидцоннецт.орг.

Собраните пари одат за помош на луѓе како Мандуле Загаке од Демократската Република Конго чие семеј­ство доби пет пилиња од помошта на “Christian Aid”. Петте пилиња сега станаа десет на број, а јајцата кои ги даваат му обезбедуваат храна и приход на се­мејството, а семејството на Загаке сега ги даде пи­ли­ња­та на користење на друго семејство. Неделата на “Christian Aid” 2005 е поддржана од државните пе­ча­те­ни медиуми и националната телевизија, а се рекла­ми­ра со пораката “Вие додавате, ние множиме”.                               Г.Ш.

 

Европски Омбудсман

Годишен извештај за 2004

Европскиот Омбудсман, П. Никифорос Дијамандурос, му го прет­ста­ви својот Годишен извештај за 2004 на Комитетот за петиции на Европ­скиот парламент. Извештајот дава преглед на работата на Омбудсманот во 2004 година и ги истакнува постигнатите ре­зул­та­ти во врска со граѓаните на ЕУ. Во 2004 година имаше неочекуван пораст од 53% на жалбите упатени до Омбудсманот, што прет­ста­ву­ва јасен сигнал за зголеменото ниво на свест за услугите кои ги обезбедува тој. За првпат, повеќе од половина од жалбите беа пратени по електронски пат, или преку електронска пошта, или преку користење на формуларите за жалби на интернет-стран­и­ца­та на Омбудсманот. Во речиси 70% од разгледаните случаи, Омбудсманот им помогнал на поднесувачите на жалбите со от­во­ра­ње истрага за случаите, пренесувајќи ги до некое компетентно те­ло или преку давање совет за тоа каде да се обратат за навремено и ефикасно решавање на про­бле­мот.

За повеќе информации (приме­ро­ци од решените жалби во пол­за на граѓаните), посетете ја веб-страницата www.euro-ombudsman.eu.int/report/en/default.htm, каде ќе најдете информации на сите офи­цијални јазици на ЕУ. Целос­ни­от извештај на англиски јазик е достапен на истата веб-адреса.                                                    Т.Х.

 

Европски институт за напредни студии

Предизвиците на управување со Третиот сектор

Третиот сектор се соочува со брза промена на средината која го до­ве­ду­ва во прашање неговото продолжување во сегашната форма. Истра­жу­ва­ч­ката работилница, која ќе се одржи на 6-7 септември 2005 година во Белфаст, Ирска, ја нуди Европскиот институт за напредни студии по менаџмент (ЕИАСМ). Таа има за цел да ги испита моменталните влијанија на ефикасното работење на организациите на Третиот сектор и да ги претстави и да дискутира за висококвалитетните истражувачки трудови по сите релевантни аспекти на управувањето со мали и големи непро­фит­ни организации. Конференцијата е од интерес како за истра­жу­ва­чи­те, така и за изготвувачите на политиките, постарите менаџери и адво­ка­ти­те од сите области во непрофитните организации. За повеќе инфор­ма­ции отидете на: www.eiasm.org/frontoffice/event_announcement.asp?event_id=372,  напишете на адресата : audrey@eiasm.be                                                                                
Т.Х.