ЛУЃЕ, ЕЛВИС АЛИ

Честопати и за жал, љубовта меѓу луѓето е заборавана тематска целина
 

Во рубриката „Луѓе“ ви ги претставуваме поединците активни во граѓанскиот сектор во Македонија, но и надвор од неа. Целта ни е да ги претставиме не само од аспект на професионалното ангажирање, туку и како индивидуи со свои посебни интереси, афи­нитети и размислувања. Целта ни е да ги приближиме овие личности до пошироката јавност, а преку нив да го популаризираме и поттикнеме граѓанското ангажирање во Македонија.
Овојпат, го претставуваме г. Елвис Али, вработен во Европската агенција за рекон­струкција во Скопје, асистент на програма при Програмата за Граѓанско општество и со­цијален развој.
 

ПРОФЕСИОНАЛНО ИСКУСТВО: Вкупно ра­ботно искуство осум години, почнувајќи од 1995 година.

АНГАЖИРАЊЕ ВО НЕВЛАДИНИОТ СЕКТОР: Пет години, почнувајќи од 1998 година. 

ХОБИ И ИНТЕРЕСИ: Работа, кошарка, читање, слушање музика, дружење со пријатели, гледање филмови со научно фантастична содржина ... После, се разбира, пак работа. 

ШТО ЧИТАТЕ ВО СЛОБОДНО ВРЕМЕ: Доколку ова постои - тогаш книги со религиозна содржини и книги со научна содржина.

КАДЕ ОДИТЕ ВО СЛОБОДНО ВРЕМЕ: По­некогаш (во последно време почесто) сакам да одмарам дома.

ШТО ПРАВИТЕ ЗА ВРЕМЕ НА ВИКЕНДИТЕ: Во текот на викендите, но и во вторник и четврток посетувам состаноци поврзани со мојата религија како Јеховин сведок.

КОЈ НАЦИОНАЛЕН/ЛОКАЛЕН ПРОБЛЕМ ГО СМЕТАТЕ ЗА ОСОБЕНО ВАЖЕН И ЗОШТО?
Маргинализираната и социјално-економско крајно тешката ситуација на Ромите во Македонија. Ова е поради фактот што една земја не може да постигне економски напредок доколку и’ тежи голем проблем, посебно како овој. Ова е слично кога брод брзо плови со спуштена котва. 

КОЈ ГЛОБАЛЕН ПРОБЛЕМ ГО СМЕТАТЕ ЗА ОСОБЕНО ВАЖЕН И ЗОШТО?
Гордоста, алчноста по богатства гледана од аспект на задо­волување на соп­­­ствени/на­ционални ин­те­реси и цели. Ми­слам дека е овој општо по­знат факт кој може да се оп­сер­вира и да се за­бе­ле­жи мош­не лесно од де­неш­ните слу­­чу­вања во светот и нема потреба од по­де­тална ела­бо­ра­ција за исти­от.

ШТО БИ ПРОМЕНИЛЕ ВО МАКЕДОНИЈА? ШТО БИ ПРОМЕНИЛЕ ВО СВЕТОТ?
И двете претходни прашања изискуваат повеќе време и елаборација, земајќи ја предвид сложеноста на истите. Но, како нешто (и за некој безначајно) би го рекол претходното: Помогни му на човекот во иста мера како што би сакал другиот да ти  помогне тебе. Да, честопати и за жал љубовта меѓу луѓето, индивидуите, граѓаните е заборавана тематска целина.