|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Коалиција на 17 домашни НВО
Сите за правично судење
„Сите за правично судење” е насловот на коалицијата која моментално брои 17 граѓански организации членки од целата територија на Република Македонија. Нејзината основна визија и мисија е следење на почитувањето на човековите права и слободи, особено на меѓународните стандарди за правично судење преку разни форми на дејствување, во настојувањето да се зголеми нивото на нивното спроведување, да се иницираат институционални и правни реформи, како и да се поврати довербата на граѓаните во судството и другите институции на системот. Структурата на Коалицијата е создадена врз основа на идејата за набљудување граѓански и кривични предмети во првостепена постапка пред сите основни судови во Р. Македонија.
Нејзините почетоци се врзани во обединувањето на 22 граѓански домашни организации во реализација на проектот „Имплементација на меѓународните стандарди за правично судење во домашните судови и процена за функционирање на судството во Република Македонија”, со цел, како што вели извршниот директор на Колаицијата, Александар Келтаноски, да се зголеми довербата на јавноста во правниот систем и во судството, да се идентификуваат проблемите во судскиот систем и да се укаже на потребата за правни и институционални реформи, да се зголеми почитувањето на стандардите за правично судење пред домашните судови, како и да се запознае јавноста со стандардите за правично судење.
„Нашата организација, од своето постоење досега, има спроведено значителен број проекти, меѓу кои и тековните: Проект за човекови права - ’Полициска злоупотреба’: Употреба на алтернативни мерки во замена за казната затвор: Кривично-правен одговор на организираниот криминал, како и процена на потребата за развој на програмата за набљудување на судските постапки во врска со корупцијата во Република Македонија” - посочува Келтаноски. Коалицијата ја сочинуваат: Граѓанската асоцијација Мост - Скопје; Младинскиот образовен форум - Скопје; Советот за превентива против малолетничка деликвенција - Кавадарци; Центарот за демократски развој - Тетово; Форумот за правата на Ромите АРКА - Куманово; Фемина – Куманово; Асоцијацијата за демократска иницијатива АДИ - Гостивар; Здружението за правата на Ромите АРРП - Штип; Хелсиншкиот комитет за човекови права - Скопје; Здружението за заштита на правата на детето ДЦИ, секција во Македонија; Првата детска амбасада на светот МЕЃАШИ – Скопје; ПХУРТ - Делчево; Здружението на жените правници во Република Македонија; ТЕМИС - Скопје; Хуманитарното и добротворно здружение на Ромите Месечина - Гостивар; Граѓанската асоцијација - Битола; СПЕКТАР – Штип и Здружението на тиквешките Роми – Кавадарци.
К.Б. |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
