|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Јубилеи
ЗНМ прослави 62, а ОГАЕ 5 години
Здружението на новинарите на Македонија (ЗНМ) на 17 февруари 2008 година одбележа 62 години од своето основање и активно работење. По тој повод на 20 февруари се одржа Свечено годишно собрание, Конференција на тема „Новинарите против корупцијата” и доделување на наградата за истражувачка новинарска сторија. Таа претставуваше завршна фаза од проектот „Новинарите против корупцијата” што ЗНМ го спроведува со финансиска поддршка од ИТЗ од САД. На конференција присуствуваа новинари од Скопје и од шесте регионални центри на ЗНМ во Тетово, во Битола, во Охрид, во Струмица, во Куманово и во Штип. Новинарите донесоа „Декларација против корупцијата”, што претставува прилог кон Кодексот на новинарите на Македонија. Доделувањето на наградата за истражувачка новинарска сторија е традиционална манифестација, поддржана од Фондацијата Институт отворено општество – Македонија. Годинава, лауреат на ЗНМ е Александар Писарев, за својата сторија „Мравјалници покрај граници”, објавена во „Форум плус” на 20 и 27 јули 2008 година. На 21 февруари ЗНМ го посети претседателот на државата, Бранко Црвенковски кој со новинарите разговараше за актуелните проблеми на еснафот.
Во февруари свој јубилеј имаше уште едно здружение на граѓани – Клубот ОГАЕ Македонија. Ова здружение претставува клуб на евровизиски фанови, формиран пред 5 години заради поддршка на македонските претставници на евровизиските натпреварувања. Четири години по ред ја организира Евровизиската вечер, која се одржува пред националниот избор.
М.И
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
