|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Историски читанки
Подеднакво читање на историјата во регионот
Во организација на Фондацијата Институт отворено општество – Македонија (ФИООМ), на 21 јануари 2008 година, во Скопје, беа промовирани изданијата на историските читанки на македонски и на албански јазик. (за Македонија). Станува збор за продукт на меѓународен проект на Центарот за демократија и помирување на Југоисточна Европа од Солун, Грција – ЦДПЈЕ, што се спроведува во регионот од 1999 година. Историските читанки се дел од иницијативата “Настава за модерната историја на Југоисточна Европа”, што ја спроведува ЦДПЈЕ. Нивната намена е да служат како алтернативни наставни материјали што ќе им помогнат на наставниците по историја да ја збогатат и унапредат наставата по предметот историја – пред с$ во средните училишта, но можат да се користат и во основните училишта, па дури и за универзитетската настава.
ФИООМ е коиздавач на изданијата на македонски и на албански јазик за Македонија. Читанките се изготвени од експерти од регионот, кои работеа заедно од 1999-тата година и кореспондираат со наставните програми по историја во регионот. Главните теми обработени во нив се Отоманската империја, нациите и државите, балканските војни и Втората светска војна. Изданијата на македонски и на албански јазик (за Македонија) се испечатени со поддршка на Европската агенција за реконструкција и ФИООМ.
На скопската промоција, која предизвика голем интерес кај македонската јавност, но и кај дипломатскиот кор во земјава, за значењето на читанките зборуваа д-р Ерхард Бусек, координаторот на Пактот за стабилност во Југоисточна Европа, г. Јован Лазаровски, заменик-министер за образование, д-р Ирена Стефковска, уредник на изданието на македонски јазик, проф. д-р Кристина Кулури, уредник на читанките, проф д-р Тодор Чепреганов, директор на Институтот за национална историја и г. Владимир Милчин, извршен директор на ФИООМ.
Освен на македонски и на албански јазик, читанките се издадени и на англиски, на српски, на грчки, на хрватски и на босански, а се очекува наскоро да излезе од печат и издание на јапонски јазик.
М.И. |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
