|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Никица Кусиникова
Не купувајте производи тестирани врз животни
Професионално искуство
Како амбициозен дипломиран инженер по електроника и телекомуникации пред 14 години почнав со реализација на мојата голема желба да работам во светот на телевизијата. По неколку години и согледана бесперспективност, започнав да работам на странски развојни програми, во најголем дел поврзани со развојот на граѓанското општество. Во меѓувреме ја дополнив мојата инженерска диплома со европски мастер по компаративен локален развој. Како еден од основачите, денес работам во Центарот за институционален развој (ЦИРа) на поттикнување на домашната филантропија.
Ангажирање во граѓанскиот сектор
Започнав во студентските денови во Сојузот на студентите на Универзитетот „Св. Кирил и Методиј”, во средината на деведесеттите станав волонтер и активист во Друштвото за заштита на животните „Срна” од Скопје каде членувам до ден-денес. Мојот професионален ангажман во граѓанскиот сектор започна во 2000 година кога станав дел од Програмата за демократска соработка на Институтот за трајни заедници.
Хоби и интереси
Мојата голема страст се патувањата, макар и на два дена. Исто така сум голем вљубеник на склопување сложувалки.
Најтешка одлука
Најтешката одлука која досега сум морала да ја донесам беше пресвртот во кариерата од инженерска работа во развој. Тоа беше вистинска одлука за која никогаш не зажалив.
Амбиции
Во животот би сакала да придонесам светот (или барем дел од него) да биде поправедно и поубаво место за живеење за сите.
Во слободното време чита
Современа литература, списанија, многу често материјали кои од работа си ги носам дома.
Каде оди во слободното време
Посетувам часови по италијански јазик и вежбам аеробик. По интензивниот работен ден, сакам да се опуштам и често по работа со колегите одиме на кафе во некое кафуле.
За време на викендите
Кога не патувам, викендот ми има доста стандардизиран тек. Во сабота со пријателите го пијам дневното кафе во центарот на градот, потоа ручек со родителите... Неделите се резервирани само за мене.
Кој национален/локален проблем го смета за особено важен и зошто?
Непочитување на законите, пасивноста и недостатокот на лична одговорност за развојот на земјата. Неодговорниот однос кон заедничкото.
Кој глобален проблем го смета за особено важен и зошто?
Глобалното затоплување и генерално загадувањето на животната средина. Втор проблем кој би го издвоила е сиромаштијата во светот.
Што би променил/а во Македонија и во светот?
Делењето на „табори” ние - добрите и праведните и тие - лошите кои сакаат да ни наштетат.
Совет/порака
Би им препорачала на читателите да бидат одговорни купувачи и да не купуваат/употребуваат производи (козметички и за домаќинство) кои се тестирани врз животни. Оние кои се заинтересирани за дополнителни информации, можат да ги добијат на http://www.peta.org и http://www.prijatelji-zivotinja.hr/index.hr.php?id=80
Никогаш не би можел/а
Доколку не е прашање на живот и смрт, никогаш не би можела да носам крзно, кожни јакни и чанти и не би можела повторно да јадам месо.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
