|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Викторио Јаковлески
Би сакал да полетам, а неможам
Професионално искуство
Целиот работен и хонорарски стаж го имам поминато главно во медиумите или околу нив. На тоа потрошив 15 години.
Во почетокот со огромен ентузијазам, сега со ширум отворени очи. Сега сум ангажиран во Здружението на новинарите на Македонија.
Ангажирање во граѓанскиот сектор
И мојот ангажман во граѓанскиот сектор е поврзан со медиумите, или со пишувањето. Сум оформил или заживеал неколку списанија за граѓански здруженија.
Хоби и интереси
Да ја внесам природата онаму каде што сум. Ако не живеам во шума, а сакам, имам билки околу мене, ако не можам да слушам птици во урбаната скопска џунгла, имам птици во станот... Во спортски настани активно учествувам само со далечинскиот управувач во раката, и тоа ако играат „нашите”!
Најтешка одлука
Секогаш тешко се одлучувам да променам нешто одеднаш, ако е нештото долго време практикувано, како, на пример, работното место. Немам проблем да го направам тоа, ама ми се „слошува” секогаш.
Амбиции
Да го променам светот да биде подобар и поубав. Ама не ми оди од рака, тешко било тоа.
Во слободното време чита:
Читам секогаш кога можам. Книги читам најмногу на натпреварот по читање книги кој го имаме со сопругата за време на годишниот одмор. Ама тогаш ептен се изначитуваме.
Каде оди во слободното време
Што е тоа слободно време? За него се грижат Јоаким и Григор, па како ќе кажат тие...
За време на викендите
Ако можам, сакам да седам во пижами, ако не, тоа што треба... евентуално одење на гости или примање гости.
Кој национален/локален проблем го смета за особено важен и зошто?
Склоноста кон деструкција и некооперативноста. Не знам кој го измислил она „да ... козата на комшијада”, ама ние некако сме си такви! Сите, и политичари и ние „обичните”.
Кој глобален проблем го смета за особено важен и зошто?
Глобалното затоплување ни дејствуваше далеку, ама сега се чудиме зошто преку зимите може да биде жешко, а налето и снег да падне и пак не сфаќаме зошто е тоа така...
Што би променил/а во Македонија и во светот?
Лошите навики кај луѓето, ама нели тоа е неизводливо? Затоа да пробам прво со себе...
Совет/порака
Секојдневно ги советувам гореспоменатите, ама пак не ме слушаат... Пораката ја закачив на огласна табла, па кој сака, може да ја прочита.
Никогаш не би можел
Да полетам, а би сакал...
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
