|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
форум
Дали и како се подготвуваат граѓанските организации за влез во Европската Унија?
Во ФОРУМ-от, овој пат, претставниците на две граѓански организации, АМПЕП - Програма за подобрување на животот во Албанија и во Македонија од Охрид и Здружението за граѓански иницијативи Лобинг од Ресен, ги презентираат своите, мислења, сугестии, ставови на поставеното прашање: Дали и како се подготвуваат граѓанските организации за влез во Европската Унија?
ФОРУМОТ е отворен и за Вас на адресата: www.graganskisvet.org.mk или www.civicworld.org.mk , каде што треба да се пријавите со име и презиме, наведувајќи го и името на здружението на граѓани, доколку некаде членувате.
“Граѓанските организации прво треба да воспостават интерна регулатива за самофинансирање и себеодржливост, со цел да продолжат да функционираат во рамките на Европската Унија. Откога истите ќе ги оправдаат своите добри портфолија за себе, ќе создадат основа за приклучување кон семејството на европските граѓански организации. Сметаме дека тие треба да се прилагодат на новото време и на конкуренцијата во европското семејство. Според моменталната состојба, би требало граѓанските организации во наредните 5-10 години да го пренасочат своето работење кон европските стандарди за работа - е ставот на АМПЕП - Програма за подобрување на животот во Албанија и во Македонија
“,Невладиниот сектор во Република Македонија се уште се наоѓа во фаза на созревање. “Периодот на развој и напредок е доста долг, а секторот и натаму ќе мора да вложи напор и средства за да се стигне до степенот на кој се наоѓаат европските организации и здруженија. Секторот НВО во нашата земја експериментира со основниот принцип на работење: единствен настап и здружено дејствување во коалиции и сојузи на невладини организации кои ќе се насочат кон заедничко решавање на проблемите. Овој принцип беше испробан и преку формирањето на НВО-парламентот кој може многу да придонесе и да помогне во работењето. Меѓутоа, секторот НВО најпрво мора самиот да ги проучи принципите на работа и дејствување во рамките на Европската Унија, за потоа да може тие принципи, закони и регулативи да ги доближи до народот. Кога населението ќе ги знае овие принципи, регулативи, стандарди и правила на однесување, тогаш секторот НВО ќе може успешно да ги реализира и спроведува своите активности и цели, кои пак ќе доведат до побрз развој на нашата земја и нејзино побрзо приклучување на Европската Унија” - смета Тања Кјулуновска од Здружението за граѓански иницијативи Лобинг.
К.Б.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
