|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
ПРЕГОВАРАЊЕ
Неопходна вештина за секој успешен менаџер
Една општа дефиниција за преговарањето гласи: “Преговарањето е основно средство за да го добиете од другите она што го сакате. Тоа е така дизајнирана комуникација со која се постигнува договор кога двете заинтересирани страни имаат заеднички, но истовремено и спротивставени интереси”.
Често пати менаџерите во организациите се соочуваат со ситуации кога треба да се справат со спротивставени гледишта на две или повеќе заинтересирани страни. Реакциите во такви ситуации најчесто зависат од моменталното расположение на поединците, од нивните лични гледишта за проблемот кои најчесто водат до зголемување на јазот. Решавањето на проблемот станува многу подалечно отколку на почетокот и се влошуват релациите.
Процесот низ кој треба да се помина за да се приближат гледиштата и ставовите на заинтересираните страни е всушност преговарањето. Резултатот треба да биде спогодба, договор, продажба, победување или со еден збор постигнување на заедничкиот интерес за одредената работа.
Преговарањето како вештина е неопходно за секој успешен менаџер. Во сите функции што ги извршува еден менаџер (планирање, екипирање и организирање, контрола и раководење), вештините на преговарање се непоходни. Преговарањето е особено значајно и во процесот на донесување одлуки.
Еден од најголемите проблеми при преговарањето, без разлика дали станува збор за семејна расправија или мировен договор меѓу два завојувани народи, е тоа што секоја страна во преговорите зазема позиција и истата ја брани со сите расположливи средства. Овој начин на преговарање е традиционален начин и уште се нарекува компетитивно преговарање или позиционирање (нагодување, “пазарење”).Често, постигнувањето согласност на овој начин води кон донесување лоши одлуки и договори. Кога преговарачите, заземајќи страна “се погодуваат”, тие практично се заклучуваат себеси на таа позиција. Колку повеќе преговарачот ја брани својата позиција од нападите на другата страна, тој с$ повеќе станува посветен и застанува цврсто зад своите ставови. Во тој случај, преговарачот обрнува повеќе внимание на позицијата, отколку на содржината за преговарање, па и договорот е понеповолен и за двете страни.
Заземањето позиции е неефикасен начин на постигнување договор. Го охрабрува преговарачот цврсто да ја држи својата страна и да прави многу мали отстапки само кога е потребно да продолжи процесот на преговарање. Сето ова одзема многу време и трошоците за постигнување договор растат исто како и ризикот договорот воопшто да не се постигне. Ова е особено сложено доколку во преговарањето се вклучени повеќе од две страни. Во таква ситуација, заземањето позиции води кон формирање непринципиелни групирања околу еден заеднички интерес кој најчесто е повеќе симболичен отколку суштински.
Во пракса менаџерите речиси секогаш рутински практикуваат позициско нагодување. Тој/таа зазема позиција, се расправа околу тоа и на крајот прави спогодба за да се постигне компромис. Компромисот резултира со договор во кој и двете страни направиле отстапки, но и наметнале свои услови. Често пати придобивката е помала од отстапката.
Познати два типа на традиционално преговарање се цврстиот и мекиот начин на преговарање.
Мекиот начин на преговарање се базира на принципот дека преговарачите се пријатели и има верба во другата страна во преговорите. Овде се истакнува важноста на градење и негување релации со другата страна. Доколку другата страна исто така се залага за зачувување на добрите релации, до договор се доаѓаа многу лесно. Но, фокусирањето кон зачувување добри и пријателски односи со другата страна во преговорите доведува до лоши (“лигави”) договори. Посериозно, доколку менаџерот применува “мек” начин на преговарање, се доведува во позиција да изгуби во преговорите со некој кој е цврст во своите позиции. Доколку “цврстиот” преговарач инсистира на својата позиција, па дури и врши притисок, а менаџерот кој практикува меко преговарање инсистира само на постигнувањето договор и постојано се повлекува од своите позиции, резултатот е крајно неповолен договор за едната, а многу поволен за другата страна.
Всушност, мекиот начин на преговарање воопшто и не е преговарање. Менаџерот стартува од позиција на слабост и основна заложба е да го избегне конфликтот и да прифати каков било договор. Притоа тој/таа се води од позиција да постигне договор по секоја цена, при што постојано нуди повластици и ја менува позицијата.
Од друга страна, цврстото преговарање се базира на принципот дека преговарачите се противници, а целта е победата. Во цврстото преговарање менаџерот зазема позиција и ја чува истата, обидувајќи се да освои што е можно повеќе поволности за себе, не внимавајќи на својот однос кон другата страна во преговорите. Овде егото на преговарачот се идентификува со неговата позиција, така што насоката на разговорот е во “разбивање на крајната линија” на другата страна во преговорите, користејќи притисоци.
Резултат е незадоволство, лоши одлуки и неповолни договори, но и растурени меѓучовечки релации.
Лилјана Алчева
поимник
Медијација е процес на олеснување на комуникацијата меѓу две спротивставени страни со вклучување трето лице кој/а е наречен/а медијатор.
Медијацијата е процес кој најчесто се користи во граѓански спорови, освен во оние кога е неопходно судско решавање или кога проблемот е поврзан со некој друг спор.
Во западноевропските земји медијацијата најчесто се користи при постапки за развод на брак.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
