|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Празниците се добро време да ги поправиме работите
Еден човек секој ден во продавница купувал по три леба. На продавачот му станало чудно зошто секогаш купува токму по три, ниту повеќе ниту помалку, па еден ден решил да го праша. „Еден за минатото, еден за сегашноста и еден за иднината”, рекол човекот. Не разбирајќи што сака да каже, продавачот збунето го гледал. „Еден е за моите родители, тие се минатото, еден за мене и мојата сопруга, ние сме сегашноста и еден за моите деца, тие се иднината”, одговорил човекот.
Што правите вие за минатото, сегашноста и иднината?
Последниот месец од годината е месец на рекапитулации: од каде тргнавме, што направивме и каде стигнавме. Нормално е тоа за крај на година, сите сакаме да видиме на крај кои се резултатите од неуморната трка со животот. Што ќе видиме, зависи од минатото, од тоа колку во претходната година (а богами и годините пред неа) сме сработиле. Да ги прегледаме уште еднаш нашите планови, да видиме како ќе ги остваруваме во идната година и годините по неа.
А потоа, да си направиме рекапитулација за себе. Приватна. Колку среќа ни донесе, а колку ни ја однесе минатата година; колку пријатели добивме - колку изгубивме трчајќи по еден куп други работи; колкупати ги усреќивме, а колку пати ги натаживме лицата на оние што многу ни значат…
Да, рекапитулациите се многу потребни. Да „застанеме на топката”, да видиме каде сме и каде сме тргнале. Да ставиме на кантар, што сме добиле – што сме изгубиле, да се преброиме, да се пресметаме… Затоа што доаѓа Новата 2008, а во неа треба да влеземе подготвени, да знаеме на што сме.
Декември и јануари се месеци на празници, слави, имендени, Нова година… Празниците се секогаш добро време да ги поправиме работите, барем оние на личен план. Да се дружиме со оние со кои не сме можеле, да простиме, да развеселиме…
За време на празниците и не само тогаш, мислете на минатото, на сегашноста и на иднината. Мислете на оние што се жртвувале за вас, мислете на вас, вие сте најважни на светот и мислете на иднината, тоа е вашата инвестиција. Мислете и на оние што можеби не ви се блиски, ама се во неволја, отворете си ги срцата и помогнете им, најдобро што знаете.
Празнувајте, одморете се, сте заслужиле.
Ви посакувам среќна и успешна Нова 2008 година и ви посакувам празнични денови исполнети со дружба, топлина и радост.
Гонце Јаковлеска
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
