ПРВА ДЕТСКА АМБАСАДА ВО СВЕТОТ ‘МЕЃАШИ” 

„Моите права” 

Првата детска амбасада во светот „Меѓаши”, ја издаде книшката „Моите права”. Книгата е наменета за деца од 9 до 12-годишна возраст и зборува за нивните права. Книшката е отпечатена на македонски, на албански и на ромски јазик, а ќе биде бесплатно дистрибуирана до членките на Сојузот на детските организации на Република Македонија, до училишните библиотеки и до членовите на Амбасадата „Меѓаши”.

Книшката „Моите права” е спонзорирана од Институтот за трајни заедници од САД, и е дел од проектот на „Меѓаши” за омасовување и зајакнување на невладиното организирање за остварување и зачувување на правата на детето.