|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
И Македонија ќе го решава статусот на ромското малцинство
Промовирана Декадата на Ромите
Вработување на Ромите, решавање на проблемот со нивното домување, урбанизирање на населбите населени со ромско население се дел од прашањата кои би требало да се решат со акциските планови што ќе се реализираат во наредните 10 години, во рамките на Декадата на Ромите, промовирана на 8 Април - Меѓународниот ден на Ромите. Декадата на Ромите 2005-2015 е меѓународна иницијатива поддржана и од Македонската влада, со цел подобрување на социјалната и економската положба на Ромите. Како резултат на оваа иницијатива, Владата во јануари, годинава, ги донесе Стратегијата на Ромите во Република Македонија и националните акциски планови за образование, за здравство, за вработување и за домување. “Ова е почеток на една значајна деценија во која со с$ што е направено досега, но и со планираните идни проекти, Македонија несомнено ќе стане пример во целиот регион за успешна интеграција на Ромите во општеството”, рече премиерот Владо Бучковски, на свеченоста по повод 8 Април, промовирајќи ја Националната стратегија за спроведување Декадата за интеграција на Ромите. Според него, решавањето на проблемите со кои се соочува оваа заедница во Македонија е составен дел од напорите на Владата за намалување на сиромаштијата и подобрување на стандардот на живеење на сите граѓани.
Министерот за труд и социјална политика, Стевче Јакимовски, во своето обраќање оцени дека целта е да се постигне траен развој на Ромите. “Нашата намера е да се постигне траен развој во социјалната, економската и политичката сфера, да се обезбеди заштита на дискриминација и расизам, пристојно домување и соодветно образование и здравствени услуги”, рече тој. “Ние сме свесни оти без силна ромска поддршка и консолидација ќе имаме сериозни проблеми во остварувањето на сите наши планови. Ромите не се фолклорен народ, туку народ кој си ги бара своите права зацртани во Уставот”, смета пратеникот Неждет Мустафа. Според постојаната претставничка на Светската банка во Македонија, Сандра Блуменкамп, во наредните 10 години постојат многу теми што властите ќе мора да ги разгледаат. “Ќе треба долго време да се надмине издвојувањето на Ромите, поради што Европа и ги повика ромските и европските лидери да ги надминат проблемите”, рече Блуменкамп. Декадата за вклучување на Ромите е иницијатива на Светската банка, ФИООМ и владите на Република Унгарија и Република Бугарија и неодамна беше промовирана во Софија. Вклучувањето на овој народ во сите текови на општеството е насока што си ја зацрта и Европската Унија. Ж.Ѓ.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
