|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Младински центар Вавилон - Струмица
Градење здрави животни стилови
Младинскиот центар Вавилон од Струмица е основан во 2001 г. Овој центар е дел од центрите Вавилон што ги има во 25 градови во Македонија, а финансиски е поддржан од Владата на Р. Македонија и од Светска банка, имплементиран од страна на Агенција за млади и спорт.
Мисијата на МЦ Вавилон е подобрување на животните вештини и квалитетот на живеењето на младиот човек за негова подобра интеграција во општеството преку неформално образование.
МЦ Вавилон има повеќе цели - градење здрави животни стилови, младинско организирање, учество на младите во јавниот живот, јакнење и развој на младински иницијативи од областа на културата и уметноста, промовирање на волонтеризмот и подобра информираност и еднаков пристап до информации за сите млади.
Активистите на Вавилон го остваруваат тоа преку повеќе активности, како што се едукација, преку посетување курсеви по англиски јазик и компјутери, учење креативност и животни вештини, организирање културни настани (концерти, изложби...). МЦ Вавилон соработува и има активности и со други ГО и организира интерактивни предавања на теми “дрога, болести на зависности, ХИВ, сида” итн. Дел од активностите на Вавилон се организирањето работилници, обуки и тренинзи.
Претстојниот период МЦ Вавилон ги насочува своите активности кон организирање работилници и обуки за млади на темите партиципација на младите во општеството, младинска организација, младинско лидерство, интеркултурно учење, организациски менаџмент, како и кон реализација на работилниците со “Мулти-Медиа Социал фор Арт Цханге Меетинг тхе Ѕоутх оф Мацедониа”, организирани од “Ѕоутх Воицес Гроуп Мацедониа”.
МЦ Вавилон е отворен за сите млади и работи со млади за млади... Д.М.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
