|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
погледи
ОСНОВНИ ЕТИЧКИ ВРЕДНОСТИ ВО ДЕЈСТВУВАЊЕТО НА ГРАЃАНСКИТЕ ОРГАНИЗАЦИИ
Во современото доба на демократија и либерализам с$ повеќе се говори за етиката како насока во живеењето со помош на којашто не само што се создаваат услови за опстанок на човекот, туку и се унапредува квалитетот на неговиот живот. Во обидите за унапредување на човечкиот живот, преку вистинскиот извор на вредностите, активно се вклучуваат и граѓанскит организации. Во своето дејствување истите се раководат од одредени етички вредности, а нивната реализација станува концепција за активноста во граѓанскиот сектор. Тоа се благородните идеи на човештвото - соработката, слободата, правата, достоинството, мирот..., - вредности без чие застапување и ефектуирање не е можно да се достигне целта на животот денес, а уште повеќе добри услови за живот на оние коишто доаѓаат. Затоа, во основата на дејствениот механизам на граѓанскиот сектор, а и поединечно кај секоја граѓанска организација, за основа се земаат добро профилирани и избрани вредности според кои се раководат тие, но според кои и се оценува нивната активност.
Можеме да извлечеме неколку основни вредности во нивното дејствување, а кои истовремено се смисла на нивното сопствено постоење: активизмот како прв импулс-двигател на процесот, соработката како нужен предуслов во креирањето и ефектуирањето на напорите за подобро сплотено човештво, филантропијата како израз на човештината и значаен дел од процесот на обединувањето на луѓето, и секако волонтерството како експресија на филантропските идеи за заемно помагање.
Во денешно време, во секој сегмент, во секое дејство, во секоја размисла треба да се има активен пристап за животот, светот, за стварите. Се работи за еден нов вид на активизам - свртување на човекот кон решавањето на проблемите. Моментот на ангажирање не значи слепо препуштање на околностите, туку активно учество во животот, во срцевината на нашата егзистенција.
Активизмот е можен преку основната концепција на меѓусебна соработка меѓу сите луѓе. Во рамките на граѓанскиот сектор, водени од вредноста “соработка” создаден е поимот “чадор-организации” за да се означи градењето коалиции и унапредувањето на соработката меѓу граѓанските организации. Еден таков тип е и Светската асоцијација на невладини организации - ВАНГО (ЊАНГО) како интернационална членска организација којашто им помага на грашанските организации низ ширум светот во надминувањето на конфликтните решенија и моралните солуции во однос на итните глобални, национални и социјални проблеми.
Со соработката нужно е поврзан еден поим којшто денес се наметна како неодминлив во секојдневната комуникација меѓу луѓето - “филантропија”. Се работи за единствениот мотив и цел кои се оправдани за крајно посветување. Истиот има три форми кои на различен начин ги претставуваат чувствата и посветеноста на личноста. Од нив само една форма, во смисла на општа љубов за целиот свет, е основа на денешното сфаќање на филантропијата.
Напоредно со него се врзува и поимот “волонтерство”, како очекуван начин на учество и контрибуција кон подобрувањето на општеството насекаде. Волонтерството и контрибуцијата на заедницата се крвоток на многу организации коишто се потпираат на поддршката од заедницата, богатите индивидуалци и фондации коишто ја финансираат нивната работа.
Со создавањето нови врски, ковањето нови пријателства и учењето за важноста на отвореноста, почитта, толеранцијата и заедничкото разбирање, се создаваат нужните предуслови за заедничко живеење во мир и благосостојба, се одржува добриот живот и се врши негово унапредување. Токму тоа е главната интенција на граѓанскиот сектор. Затоа толку многу се инсистира на промовирањето на овие вредности како норми и концепции во дејствувањето, притоа подигајќи го нивото на свест кај сите од нас дека само заеднички можеме да го достигнеме она што е наш идеал. Истовремено, истите вредности се земаат и како инспирација за дејствувањето на граѓанските организаци, но и како нивни критериум за оценување.
м-р Дејан Донев
(авторот на текстот е демонстратор по етика на Филозофскиот факултет - Институт за филозофија и секретар во НВО “Центар за етика”)
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
