|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Српско граѓанско општество
Ќорсокак во Србија: Спиралата на радикализмот или основање на нова Србија?
Главниот исход од тркалезната маса беше тоа што граѓанските организации го сфатија членството во ЕУ како единствен реалистичен изглед за Србија. Секако, членството целосно зависи од формирањето цврста и стабилна влада, подготвена целосно да соработува со МКТПЈ и да го манифестира потенцијалот на Србија и добрата волја на ЕУ кон земјата. Потоа се одвиваше тркалезната маса, а како резултат на тоа и судирот на српските НВО за кој се станува збор подолу.
Во рамките на овој интензивен и турбулентен период, група од четири НВО изготвија писмо и им го предадоа на 4 април 2007 година на претставниците на сите земји членки на ЕУ. “Хуманитарниот правен центар” (Наташа Кандиќ), “Граѓански иницијативи”, “Жени во црно” и “Младинска иницијатива за човекови права” испратија сериозен апел до владите на еропските земји да не се откажат од притисокот врз Србија во поглед на соработата со МКТПЈ и предавањето на посочениот Ратко Младиќ на Хаг. Условеноста, пишуваат тие, не треба да се укине по никоја цена, а повторното отворање на преговорите од ДСА треба да биде условено со целосната соработка на Србија со МКТПЈ.
Следниот ден, уште едно писмо, потпишано од друга коалиција на невладини организацииод Србија – “Хелсиншкиот комитет за човекови права на Србија” (Соња Бисерко), “Адвокатскиот комитет за човекови права” (Билјана Ковачевиќ–Вучо), “Белградскиот круг” и “Институтот отворено општество” (Јадранка Јелинчиќ), беше доставено до амбасадите на ЕУ. Во писмото се искажуваше поддршка за повторното отпочнување на процесот на евроинтеграција и се нагласуваше поширокиот контекст. Потпишувачите бараа вклучување на невладините актери, вклучувајќи НВО, претставници на младите или на младите и средните претприемачи во поширокиот дијалог помеѓу Брисел и Белград. Повторното отворање на преговорите од ДСА, како што се вели во писмото, би обезбедило силен поттик новата влада на Србија да продолжи со неопходните реформи и промените во законодавството, а самото по себе тоа би го зајакнало демократскиот развој на земјата во овој круцијален период. Ова писмо од невладината заедница исто така ја дефинира условеноста во поглед на соработката со МКТПЈ како суштински предуслов.
Отворениот судир беше нагласен од страна на јавната критика на Соња Лихт, директор на Белградскиот фонд за политичка совршеност БФПЕ (Белграде Фунд фор Политицал Еџцелленце – БФПЕ) и една од лидерите на српското граѓанско општество во времето на Милошевиќ. Лихт го искажа своето разочарување во врска со пристапот и ја критикуваше кратковидноста и контрадикциите во двете писма. По ова следуваше изјава објавена и потпишана од страна на 17 НВО од Србија, меѓу кои и БФПЕ. Продолжувањето на преговорите на релација ЕУ-Србија, според нив, е условено од Србија и ставот на нејзината политичка елита. Пред сe, демократските партии треба да формираат влада и да го почитуваат принципот на условеност во однос на МКТПЈ. Нивниот аргумент е дека тоа е единствениот пристап кој може да го забрза процесот на евроинтеграција на Србија, да ги консолидира проевропските напори во земјата и да го зајакне самиот процес на демократизација.
Други лидери на НВО, пак, ја обвинија Лихт за дејствување во интерес на владата на заминување на Коштуница и за обид да го монополизира прашањето на интеграцијата во ЕУ, заедно со владејачката политичка елита. Овој отворен конфликт помеѓу познатите лидери на НВО беше силно покриен од страна на медиумите и стана јавно познат. Водечкиот дневник Време го покри како тема на денот во своето издание од 12 април 2007 година, под насловот “Вжештена недела”. Најпопуларната приватна ТВ станица, Пинк, во директен пренос ја посвети својата политичка дебата на ова прашање, вклучувајќи ги граѓанските лидери и политичките фигури. За жал, благодарение на масовната покриеност од страна на медиумите, сликата за граѓанскиот сектор во Србија доживеа удар. Целокупната афера понатаму го зајакна ниското ниво на општествена доверба во граѓанскиот сектор и сликата за него како дејствува против интересите на Србија.
Судир на гледишта: прагматисти наспроти есенцијалисти
Различните гледишта по прашањето за евроинтеграцијата во рамките на граѓанскиот сектор во Србија, а кои беа искажани во отворени писма, не се нова појава, како што покажа и самата тркалезна маса “Граѓанскиот дијалог”. Судирот помеѓу двете гледишта беше евидентен уште во октомври 2006 година, во времето на референдумот за новиот устав на Србија. Во суштина, тоа е судир помеѓу прагматистите и есенцијалистите на граѓанското општество, слично на внатрешната поделба во рамките на граѓанскиот сектор во некои внатрешно поларизирани земји од Централна и Источна Европа, каде процесот на евроинтеграција бил силно условен, како на пример во Словачка, по завршувањето на периодот на Мечијар, во 1998 година.
Втор дел
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
