Календар

8 ноември

Светски ден на урбаните регии

Во светот, осми ноември се прославува како ден посветен на урбаните регии. На овој ден обично се одржуваат трибини, предавања и слични манифестации посветени на градовите и другите урбанизирани простори, проблемите кои се присутни во нив, но и демонстрации и слични акции чија цел е да ја подигне свеста, да ги промовира и да го поттикне разрешувањето на проблемите поврзани со урбаната екологија. 

21 ноември

Средба на македонски и словенечки претприемачи

НЕПА и БСН (BCN Business Cooperation Network), во соработка со Центарот за развој на малото стопанство од Словенија, организираат средба на македонски и словенечки претприемачи, што ќе се одржи во Скопје (во хотел „Континентал“), на 21 ноември годинава. Ќе бидат присутни околу 50 претприемачи од Словенија. Овој настан е дел од билатералната стопанска соработка Македонија-Словенија, а е финансиски поддржан од Пактот за стабилност, ЦЕИ, Министерството за економија на Република Македонија, Центарот за развој на малото стопанство од Љубљана и НЕПА.

21-22 ноември

Форум на граѓанското општество во Македонија

И годинава, во организација на Македонскиот центар за меѓународна соработка, Фондацијата Институт отворено општество - Македонија и Институтот за трајни заедници, во Скопје ќе се одржи НВО саем - форум на граѓанското општество во Македонија. Оваа манифестација се одржува оп трет пат, а годинава ќе биде лоцирана на Скопското сајмиште. Тој ќе содржи изложбен дел, форумскидел, едукативни и социо-културни настани.

25 ноември

Против насилството врз жената

Меѓународниот ден на акции против насилството врз жената, 25 ноември, е ден кога започнува шестмесечната кампања насочена кон намалување на овој вид насилство, распространет пред се’ во сиромашните и помалку развиените држави. Во кампањата се вклучуваат многу женски организации, кои организираат протести, трибини или спроведуваат проекти со цел намалување на насилството врз жената, остварување нејзина поголема еманципација, едукација и подигнување на јавната свест.

27 ноември

Денес не купувајте ништо!

Овој ден е прогласен за Ден на воздржување од купувањето (Buy nothing Day). Започна во САД и некои држави од Европа, но набргу се прошири како популарна акција на следбениците на „зеленото“ движење. Идејата на воздржување од купувањето е на симболичен начин да се манифестираат стремежите од заштита на животната средина, намалување на отпадот, намалување на загадувањето од фабриките, и конечно, преминот од потрошувачко општество, во општество свесно и одговорно за средината, кое го застапува принципот на одржлив развој.