|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Студентска иницијатива
„Сакаме нов студентски дом“
Веќе неколку месеци Сојузот на студентите при Универзитетот “Св. Кирил и Методиј” ја води кампањата чијашто крајна цел е нов студентски дом и реновирање и санирање на постоечките студентски домови.
“По повеќегодишни ветувања, дека ќе се подобри состојбата во студентските домови, сметавме дека е време самите да се зафатиме со оваа работа”, ни рече Славица Арсова од ССУКМ. “На крајот на краиштата, подобрувањето на студентскиот стандард, каде еден од најголемите приоритети е студентското сместување, нас н$ засега, затоа што ние, студентите, ги користиме тие услуги”, додаде таа.
ССУКМ, во соработка со Државниот студентски центар “Скопје”, направил проценка на состојбата во студентските домови, изготвил предлог-проект, го доставил до Владата и до ресорните министерства и сега го актуелизира и проблемот и неговото решение.
Музичкиот хепенинг “Пееме за да успееме” што се случи на 18 декември 2005 година е дел од планот на ССУКМ како да соберат средства со коишто ќе го реализираат својот проект.
“Влезниците од овој настан чинеа 100 денари”, вели Арсова, “а со доаѓањето на концертот студентите и нашите професори ја покажаа подготвеноста да помогнат во реализирањето на овој проект. Сите влезници беа донација којашто се уплаќа на посебна сметка отворена само за таа намена, за студентскиот дом. За жал, немавме таква поддршка и од Универзалната сала, неа моравме да ја платиме по комерцијална цена”. Охрабрени од успехот на концертот, ССУКМ се подготвува да направи уште два концерти, овој пат во Штип и во Струмица.
“Собравме средства, но она што е поважно, ја добивме поддршката од колегите. Ако дотогаш постоеше скептицизам меѓу студентите, по концертот тој многу е намален. Тие едноставно ни приоѓаа и прашуваа што треба да направат за да помогнат конечно да се реши овој проблем. Затоа можам да кажам дека сега го немаме проблемот со човечки ресурси, има доволно луѓе кои се и ќе бидат ангажирани во кампањата”.
Освен концертите, студентите планираат да направат добротоворни аукции на коишто ќе се продаваат донираните дела на студентите од Факултетот за ликовни уметности.
Изградбата на студентскиот дом и реконструкцијата и санацијата на веќе постоечките домови ќе чини 409.050.000 денари или околу 6.700.000 евра.
Во ССУКМ се свесни дека тоа е голема сума пари којашто тешко се собира. “Се надеваат и на поддршката од Владата и од министерствата, од бизнис-секторот и од други донатори. “Ние сме решени да ја започнеме изградбата на студентскиот дом оваа пролет. Дури и ако имаме пари само за да ги срушиме сегашните бараки, и тогаш ќе започнеме. Мислам дека на луѓето им е преку главата од ‘треба’ и ‘ќе направиме’, мислам дека тие сакаат да видат дека ‘правиме’”, вели Славица Арсова.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
