|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Коментар
УШТЕ КОЛКУ ОДГОВОРИ ЗА ПАУШАЛНИ КРИТИКИ!
„А, бе парче ве направија овие во медиумите!” Ова беше најчестиот коментар на (не)добронамерните поврзан со написите во дневниот и неделниот печат (поретко во електронските медиуми) во деновите на екстремно висок интерес за работата на граѓанските организации во Македонија. Ваков интерес за граѓанските организации немало уште од изборите за претседател на ССУКМ во 2002 година кога организацијата (за жал, поради негативните вести) стигна на насловните страници на печатените медиуми и во ударните термини за вести на електронските медиуми.
Но, што добивме од екстремно високиот интерес за нас? Главно, паушали! Да не ти се верува, кој се фатил за бројка, се з…. затоа повеќето си се дружеле со паушалите, посигурно е! Во Македонија на секој чекор имало граѓанска организација, а во Хрватска, со пет милиони жители, замислете, ги има само 270!!! Е, штета за сите обиди за заживување на истражувачкото новинарството, си велам. Но, за да се дојде до бројката на хрватските граѓански организации и не треба некое истражување, можете да прашате некоја граѓанска организација од Македонија или, пак, да одите на „гоогле” и да побарате „удруге” што ќе ве однесе на веб-страницата на владиниот сектор за граѓански организации, а потоа анализирајте колку сакате! Да, тоа можете да го направите, освен, ако намерата не ви е друга?! Патем, во Хрватска има 30.416 регистрирани граѓански организации што е двапати повеќе од бројката во Македонија кога се има предвид бројот на жители на земјата.
Следната уште „поболна” тема се парите. „Никој не знае колку пари тие вртат”! Па што не прашате? Фала му на Бога, с$ поголем е бројот на граѓански организации коишто ги објавуваат своите годишни извештаи, барабар со финансиските извештаи. А таму бројки, колку ти душа сака. Некои од нив ги објавуваат и независните ревизорски мислења за тие финансиски извештаи. МЦМС во 2002 и во 2004 година ги издаде Проектите на граѓанските организации во Македонија. Во Граѓански свет бр. 42 се презентирани резултатите од второто издание на оваа публикација, меѓу другото и финансиските средства што се употребени за спроведување на 658 проекти во текот на 2002-2003 година. Речиси 13 милиони евра чинеле овие проекти. Ете бројка! Ете пари! И тоа објавени, јавно на њњњ.граганскисвет.орг.мк. Ама некој треба да праша. Да пробуричка. Па како инаку! А, да, во истата публикација ќе најдете информации и за тоа „кој им ги дал парите” и колку луѓе биле вклучени во нивното спроведување.
Што се однесува до влијанието, би сакала да ве поканам на промоцијата на Проценката на граѓанското општество во Македонија „По 15 години транзиција” – од стабилизација кон граѓанско учество. Таму ќе слушнете повеќе за влијанието, вредностите, структурата и околината на граѓанското општество во Македонија. Анализи, што се потпираат на факти, на податоци собирани и анализирани од многу луѓе, речиси две години. Ама анализи, и факти, не паушали!
Гонце Јаковлевска
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
