|
ONLINE ВЕРЗИЈА |
|
ПЕЧАТЕНА ВЕРЗИЈА |
|
Во организација на Отворена Порта/ Ла Страда
Тивка аукција за жртвите од трговија со луѓе
На 20 септември НВО Отворена порта/ Ла страда во Скопје организира добротворна аукција на уметнички дела со цел со собраните средства да им помогне на жртвите од трговијата со луѓе во своето прифатилиште.
„Направете посебен чин и овозможете им на многу луѓе да го направат потребниот избор и да го стекнат достоинството што го заслужуваат” - вака гласеше повикот на кој граѓаните се одѕваа и учествуваа на тивката аукција организирана во Мултимедијалиот центар Мала станица.
На аукцијата беа понудени слики, икони, предмети изработени од керамика од авторите Мирослав Стојановиќ - Шуки, Маја Стефановска, Наташа Сарачинова, Билјана Велјановска , а дела донираа и ателјеата Скарабеј и Артенхоби.
Беше продаван накит и торбички изработени од девојки, жртви на трговијата со луѓе. Според првичните оценки, собрани се финансиски средства во висина од околу 18.000 денари.
Анимирањето на јавноста за проблемот со жртвите од трговијата со луѓе Отворена порта /Ла страда го започна во 12 часот напладне, со организираната Градска велосипедска трка, која се одвиваше од Олимпискиот базен до Градскиот парк. Трката беше дел од интернационалниот караван за борба против трговијата со луѓе, а посетителите имаа можност во паркот да ја проследат музичко-забавната програма, доделувањето на наградите за најдобрите велосипедисти меѓу кои имаше и претставници на политичкиот и јавниот живот во земјава, доброволци и активисти.
К.Б.
|
|
|
|
Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
| |
Кампањата “Учиме за ЕУ” Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|