|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Мрежа на организациите на млади од Југоисточна Европа СЕЕИН (SEEYN)
НАГРАДИ ЗА РАЗВОЈ НА ВОЛОНТЕРСТВОТО
Тринаесет организации и поединци од Босна и Херцеговина, од Македонија, од Хрватска, од Црна Гора и од Србија се овогодинешните лауреати на наградите за развој на волонтерството во Југоисточна Европа
Мрежата на организациите на млади од Југоисточна Европа на 21 септември 2006 година ги додели наградите за развој на волонтерството. Со наградата се закитија 13 организации и поединци од Босна и Херцеговина, од Македонија, од Хрватска, од Црна Гора и од Србија. Иако наградата има подолга традиција, како регионална награда за прв пат се додели оваа година. СЕЕИН (СЕЕЅН) претходно доделувала награди на локално ниво во рамките на меѓународниот ден на волонтеризмот.
„Наградата нема натпреварувачки карактер односно не постои добар или лош во волонтерството”, вели Емира Мешановиќ, директор на СЕЕИН. „Сите се добри, па дури и одлични”, додава таа. „СЕЕИН одлучи да им врачи награди на најрепрезентативните примери, а сите други сигурно заслужуваат благодарници и поддршка во нивната работа”, вели Мешановиќ.
За наградата на СЕЕИН можат да бидат кандидирани поединци и организации од сите сектори: невладин, владин, шоу-бизнис, бизнис итн. Членките на СЕЕИН ги кандидираат личностите или организациите од своите земји. Независниот одбор на Секретаријатот на мрежата избира кој ќе ја добие наградата.
Оваа година церемонијата на доделување на наградите беше организирана во Сараево, Босна и Херцеговина, во рамките на регионалната манифестација „Денови на СЕЕИН на волонтерството”. Бидејќи Сараево е кантон кој е прогласен за европски регион за 2006 година, наградата на СЕЕИН за волонтерство 2006 е претставена како симболот на градот Сараево (мандало на врата). Добитниците добија и изложба во форма на разгледници под името „Нема одмор додека трае обновата”, на авторката Александра Нина Кнежевиќ.
Наедно, на сите оние кои ја добија наградата СЕЕИН им е понудена можност за соработка на програмата СЕЕИН во 2007/2008 година.
Кој ги доби наградите
Наградата се доделува во повеќе категории. Наградата за волонтерство на владина институција ја добија: Административната служба на градот Бања Лука, за поддршката во креирањето на Локалниот волонтерски сервис кој е отворен за сите институции и граѓански организации во којшто се собираат повеќе од 300 волонтери кои се активни во заедницата. Во оваа категорија награда доби и г-ѓа Цветана Плавша Матиќ, директорка на Националната фондација за развој на граѓанското општество од Хрватска за нејзиниот придонес во промовирањето на волонтерството преку грантови за граѓански организации и воспоставување награда (Печат на срцето), за организирањето на две национални конференции за волонтерство и за посебната програма за развој на волонтерството и влијанието во изработката на закон за волонтерство во Хрватска.
Во категоријата награда за компанија беа наградени: ПЦ Кидс, компанија која во последните четири години собрала речиси еден милион конвертибилни марки за изградба и враќање на куќите на повратниците и раселените лица. Вработените во ПЦ Кидс волонтирале во текот на целата акција, а организирале и многу други акции во заедницата. Другата награда во оваа категорија ја доби Загребскиот електричен трамвај за поддршката на меѓународните и локалните волонтери на кои им обезбедува бесплатни месечни билети и бесплатен превоз.
Наградата за извонредна волонтерска организација ја доби СОС-телефонот за жени и деца жртви на семејното насилство за нивното 10-годишно собирање на локалните волонтери и давање извонредна помош на нивните корисници.
Наградата за извонредна организација која мобилизирала волонтери ја доби Истражувачкото друштво „Владимир Мандиќ Манда” од Валјево, Србија, за одличната работа и ентузијазам преку примерот на реконструкција на старите простории и изградбата на Центарот за млади.
Наградата за исклучително залагање за волонтерство ја добија Ида Карапериќ која по нејзниото долго волонтерско искуство го воспоставила првиот локален Волонтерски центар во Бихаќ; и Слободан Пузовиќ кој својата експертиза во комбинација со волонтерството ги вложил во заштитата на Обедска Бара, една од најстарите европски заштитени зони.
Наградата за волонтери ја поделија Милан Мишковиќ, од неформалната македонска група, организатор на хуманитарниот концерт за собирање на средства за лекување на 25-годишниот Марјан Ристевски и Движењето ДОСТА од Босна и Херцеговина за нивните активности во решавањето на проблемите на младите.
Наградата за филантропија во шоу-бизнисот ја добија Енис Бешлагиќ, актер од БиХ, за неговото учество во голем број хуманитарни концерти и акции и Рамбо Амадеус од Црна Гора, исто така за хуманитарните концерти, но и за учеството во акцијата за спасување на елките.
Надвор од конкуренцијата, доделена е една награда на Независната телевизија Хајат за следењето и промовирањето на големиот број невладини организации во БиХ и за учеството во многу хуманитарни акции.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
