Повик за предлози

Институтот за мир на САД (УСИП) дава непобарани грантови

Институтот за мир на САД (УСИП) го објави повикот за предлози за непо­барани грантови од кои повеќето се со времетраење од една до две години и изнесуваат од 25.000 до 45.000 американски дола­ри, а постои можност за доделување и повисоки грантови. Можат да аплицираат непрофитни организации, официјални јавни инсти­ту­ции, како и поединци од САД и од други земји. Од клучен (но не и единствен) интерес за институтот се следните области: решавање ме­ѓународни конфликти, дипломатија, теорија на преговарање, фун­кци­онализам и дипломатија “трацк тњо”, методи на решавање несо­­гласувања од страна на трето лице, меѓународно право, ме­ѓу­народни организации и колективна безбедност, одвраќање и ба­лан­си­рање на моќта, контрола на оружјето, психолошки теории во вр­ска со меѓународните конфликти, улогата на ненасилството и нена­сил­­ните мерки, морална и етичка мисла во врска со конфликтите и нивното разрешување и теории за односите помеѓу политичките институции, човековите права и конфликтот.

Институтот не поставува никакви дисциплинарни ограничувања. Добре дојдени се предлози од интердисциплинарна или мулти­дис­ци­плинарна природа. Краен рок за поднесување на апликациите е 1.10.2005 година. Повеќе информации на  http://www.usip.org/grants/unsolicited.html  или на: grants@usip.org.

Т.Х.А.

 

Повик за аплицирање

Глобален форум за Законот за граѓанско општество

Глобалниот форум за Законот за граѓанско општество, кој во ор­ганизација на Меѓународниот центар за Законот за не­про­фит, ќе се одржува од 17 до 19 ноември 2005 во Турција, каде до­ма­ќин ќе биде фондацијата Третиот сектор од Турција, треба на едно место да собере околу 100 водечки експерти што рабо­тат на полето на законот за граѓански организации.

Највено е учество на претставници на акционери, граѓански ор­га­­ни­зации, владини претставници, претставници од законо­дав­­ството, научници и претставници на донаторите. На Фору­мот ќе се разгледуваат  иновативни прашања организирани во пет тематски единици: реформа и застапништво, актуелните пра­шања и Законот за граѓанско општество, одржливоста на граѓанските организации и законот, одговорноста, тран­спа­рент­носта и регулативите на граѓанските организации и одно­си­те на граѓанските организации со владиниот сектор. Ќе би­дат одржани работилници на кои учесниците ќе можат да ги спо­делат своите искуства и да основаат мрежи на реформисти на Законот за граѓанско општество.

Местата се ограничени, а заинтересираните потенцијални учес­ни­ци мораат да аплицираат што поскоро на www.icnl.org/globalforum. Дополнителни информации може да се добијат и на адресата на Меѓународниот центар на globalforum@icnl.org.                                              

Т.Х.А.

 

Алманах

Нов том за Глобалното граѓанско општество

Лондонската школа за економија и политички науки го из­даде четвртиот том од Алманахот на граѓанското оп­штест­во. Во него се опишува природата и историјата на глобалното граѓанско општество, а истиот содржи и соодветни студии по тоа прашање, важни забелешки и податоци, како и статии по актуелни прашања.

Интернет-верзијата на алманахот е достапна на: http://www.lse.ac.uk/depts/global/searbook04chapters.htm          

Т.Х.А.

 

На Глобалната конференција на ОН

Старт на Глобалното партнерство за превенција од вооружени конфликти

 
Глобалната конференција од реакција до превенција под наслов “Граѓанското општество гради партнерство за спречување насил­ни конфликти и градење мир”, се одржа од 19 до 21 јули во се­ди­штето на Обединетите нации. Учествуваа повеќе од 1.000 акти­висти на граѓанското општество со цел да започнат меѓународно движење за спречување на вооружените кон­флик­ти, барајќи од владитте да соработуваат со граѓанското општество на меѓу­на­род­но, на регионално и на локално ниво. Глобалното партнер­ство за спречување вооружени конфликти (ГПСВК) се органи­зира во 15 региони во целиот свет, а секој од нив е предводен од една граѓанска организација која ја има улогата на регионален иницијатор. Во регионот на Југоисточна Европа, таа улога ја презеде Нансен дијалог центарот.

Балканската регионална конференција за спречување конфлик­ти е одржана од 4 до 6 ноември 2004 година во Игало, Црна Гора каде е усвоен Балкански регионален акциски план, достапен на њњњ.глобал-цонференце.нет. Во светот досега се одржани 15 реги­онални конференции на кои се усвоени 15 регионални акциски планови за превенција од конфликти. Извештајот е достапен на: www.gppac.net. 

Т.Х.А.