|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Центар за психосоцијална поддршка и грижа за менталното здравје - Скопје
Компјутерите ја подобрија работата на социјалниот клуб
Центарот за психосоцијална поддршка и грижа за менталното здравје од Скопје како непрофитна и невладина организација е основан во 1998 година со дејствување фокусирано на пронаоѓање начини за превенција и унапредување на состојбата на менталното здравје кај човекот како биолошка, психолошка и социјална индивидуа. Тој им овозможува на заинтересираните граѓани на Македонија да го унапредат своето ефикасно функционирање од аспект на менталното здравје во врска со социјалните трендови на зголемен стрес, несоодветната лична информираност кон инструментите на социјална сигурност и нарушениот индивидуален систем на вредности.
Центарот реализира најширок спектар научно базирани проекти во полето на менталното здравје и менталната хигиена, а неговата целна група што ја сочинуваат лица од различна етничка припадност опфаќа деца/млади од повеќе општини на град Скопје, најчесто ученици во специјалните училишта како што е Домот за деца со воспитно-социјални проблеми „25 Мај”, како и млади кои го завршиле своето образование, од кои дел и работат.
Веќе шест години во склоп на Центарот работи и социјален клуб, наменет за лица со интелектуална попреченост во развојот и лица корисници на психијатриски услуги. Отворен е секој ден од понеделник до петок од 09 до 17 часот, а во него се реализираат обуки на компјутери, основен курс по англиски јазик, музикотерапија, ликовна терапија и психосоцијални работилници. „Годинава, со добивање на финансиската поддршка од страна на фондацијата 'Е-Македонија' за набавка на нова компјутерска опрема, подобрена е работната атмосферата во клубот. Од март кога е набавена и инсталирана опремата го надминавме постоечкиот проблем, 2-3 деца или млади со интелектуална попреченост во развојот истовремено да користат еден ист компјутер или да чекаат на ред за да можат да работат поединечно” - велат членовите на Центарот, кој се наоѓа на улица “Дичо Петров” бр. 7 во општината Кисела Вода, потенцирајќи дека благодарение на добиената опрема, само за три месеци е зголемен бројот на корисниците, според чиишто способности е прилагодена и компјутерската обука, наедно испреплетена со психосоцијални работилници од забавен карактер.
К.Б.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
