Последно издание Контакт Нарачка преку e-mail
Архива
Коментар
Настани
Граѓанско општество
Деца
Студенти
Здравство
Животна средина
Календар
Прашања и одговори
Балкан-експрес
Европа
Свет
Тема
Репортажа
Интервју
Погледи
Претставување
Публикации
Историјат на граѓанското општество
Луѓе
Мобилизација на ресурси
Искуства од регионот
Избор
Прва страница
Документи и публикации
Документи
Извештаи
Публикации
Водичи
НВО САЕМ
Настани
Галерија
Архива
Архива на онлајн вести
2003
2004
2005
2006
2007
2008
Адресари
Луѓе од граганскиот сектор
Проекти на граѓанските организации во Македонија
Адресар на верските заедници во РМ
Адресар на граѓанските организации во Македонија
Адресар на општини во Република Македонија
Билтен на МЦМС
Билтен за меѓурелигиска соработка
Перспективи
Граѓански практики
Контакт






ONLINE ВЕРЗИЈА
ПЕЧАТЕНА ВЕРЗИЈА

  Број 61 Јуни 2006

   

Погледи

Простите пазарни правила повторно ќе го регулираат граѓанското општество

                                                                                                                       албански

За граѓанското општество во Македонија е дискутирано многупати досега, па верувам дека и мојата анализа овде нема да биде сосема нова.


Во изменетата политичка и економска средина во независна Македонија во раните 90-ти, граѓанското општество не остана имуно на целокупните општествени процеси. Новите интерпретации на демократијата и човековите права коишто полека, но сигурно навлегуваа во нашата земја и го менуваа нашето размислување се одразија и на самата природа на граѓанското општество. Скоро преку ноќ бевме сведоци на појавата на огромен број нови граѓански организации - човекови права, малцински права, репродуктивни права, заштита на околината, граѓански активизам, граѓанско учество во донесувањето на одлуките... Сега можеме да кажеме дека овие нови, модерни концепти веќе удобно се одомаќинија во нашите секојдневни животи.

Меѓутоа, од оваа точка, гледано низ филтерот на последните петнаесет години, и покрај горенаведените концепти коишто беа иницијалната каписла, во Македонија има многу малку автохтоно граѓанско општество. За жал, граѓанското општество им подлегна на простите пазарни правила на понудата и побарувачката. Достапноста на донаторските фондови и целокупната лоша економска состојба во земјата, заедно со хронично високата стапка на невработеност, го претворија граѓанскиот сектор во алтернативен пазар на работна сила. Најчесто, активистите на граѓанското општество беа луѓе кои едноставно бараа работно место или приход, а не идеалисти кои сакаа да промовираат вистински општествени промени. Целокупната апатија на македонското општество се одрази и на граѓанскиот секор и во него видовме многу проповедници, а малку верници.

Од мојата позиција на човек кој секојдневно е во директен контакт со организациите во граѓанскиот сектор, можев од прва рака да ја посведочам оваа ситуација. Кога Холандската амбасада за првпат имаше јавен повик за проекти во областа на културата и развојот во 2004 година, н$ преплавија неверојатни 450 предлог-проекти, од сите краишта на земјата и од најразлични организации, од кои некои никогаш претходно не се занимавале со генералната тема на нашата програма. Освен ова, Амбасадата редовно добива по десетина предлог-проекти неделно за својот крајно ограничен фонд за мали проекти.

Сепак, се чини дека простите пазарни правила повторно ќе го регулираат граѓанското општество - донатори има с$ помалку, особено од оние со фондови за помали проекти. Иако многумина ќе тврдат дека токму малите фондови се најпотребни, мислам дека кога славината на донаторите ќе пресуши, луѓето треба да се разбудат од својата апатија и да се обидат да се свртат повеќе кон домашните извори. Така, основното прашање ќе се смени од: „На кој донатор да му се обратиме за пари?”, во „Што можеме самите да сториме за ова?”. А, ова е и крајното значење и вистинската сила на граѓанското општество - не да создава активности за финансиски да преживее, туку да ја придвижи и да ја стресе својата непосредна околина за да донесе позитивни промени, па така да ги разбуди своите сограѓани од нивната апатична дремка.

За нас, како донатори кои се с$ уште активни, по сите овие години на финансирање на помали и поголеми проекти, дојде време да ги преиспитаме своите приоритети. Учејќи од минатото, треба да ги погледнеме оние организации коишто успеале да се позиционираат како релевантни чинители во македонското општество. Тоа се организации што имаат јасна визија за себеси и јасна мисија за тоа што сакаат да го постигнат. Тоа се организации што никогаш не биле „сончогледи” коишто го следеле движењето на донаторските фондови, туку им останале верни на своите цели и продолжиле да ги остваруваат со енергија и со интегритет. За да останат будно око на јавноста и да продолжат да ги претставуваат вистинските интереси на граѓаните, било да се тоа слободни и фер избори или борба со корупцијата, на овие организации им треба политички неутрална поддршка. Затоа Холандската амбасада с$ повеќе се свртува кон програмска поддршка - таа им ја дава неопходната флексибилност и сигурност на организациите кога се работи за спроведување на нивните редовни активности, а истовремено ги промовира природните процеси на внатрешно зајакнување на овие организации, како среднорочното планирање и внатрешниот мониторинг и контрола. Верувам дека ова е вистинскиот пат што треба да се следи и дека на крајот тој ќе доведе до поконсолидирано и помоќно граѓанско општество. 


(авторката е советник за развој во Амбасада на Кралството Холандија)

Линкови
Граѓански организации и фондации
Медиуми
Институции
Регион и свет
Странски организации и претставништва во РМ
Сервиси
Огласи за обуки
Слободни работни места
Конкурси
























НОВОСТИ
Крај на почетокот
Тоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
Кампањата “Учиме за ЕУ”
Прашањето за уставното име на Македонија го засени интересот за Унијата
Што е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука.
Реализирана најголемата еколошка акција кај нас
Македонија засади над два милиони садници
Над 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други.
Катерина Хаџи-Мицева
Кодекси на добро однесување
Кодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот
Граѓанска организација Англунипе - Тетово
Факултативната настава на ромски јазик - препознатлива активност
Граѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка
Донација
Нов парк од Космофон за штитениците на заводот во Демир Капија
Специјалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило
Проект на Биосфера од Битола
Уреден дворот на Домот за доенчиња и мали деца
Во изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола
Еколозите против нанотехнологијата во прехранбената индустрија
Еколошката групација “Пријатели на планетата Земја” (ФОЕ) повика да се воведе мораториум на користењето на нанотехнологијата во прехранбениот синџир, укажувајќи дека недоволно е истражено влијанието врз човековото здравје и природната средина
 

©MCMS - designed by KOMA